ఈమె తెలుగు నటి అయినా నాలుగు భాషలలో సినిమాలు చేసిన ఔరా అనిపించుకుంది. నటిగా మంచి డిమాండ్ ఉన్న సమయంలోనే ఒక వ్యాపారవేత్తను ప్రేమించి పెళ్లి చేసుకుని సినిమాలకు దూరం అయింది. అలా తనకు మొదట కూతురు పుట్టింది.. అప్పుడే తన అమ్మ మరియు అత్త కొంచెం ఇబ్బంది పడ్డారు. మొదటి బిడ్డ కొడుకు అయితే బాగుండేది అని నసిగారు. సరేలే తర్వాత అయినా పుడతాడు అనుకుని సర్దుకున్నారు. కానీ ఏకంగా మొత్తం నలుగురు బిడ్డలు ఆడపిల్లలే పుట్టారు. దీనితో ఇరు కుటుంబాలలో శాంతి అనేది కరువైంది. కొడుకు పుట్టలేదని అత్త అమ్మ లు ఏవేవో మాటలు అనడం..బాధపడడం చేస్తూ ఉన్నారు.
అయినా అరుణ భర్త మాత్రం తనను ఒక్క మాట కూడా అనకుండా దేవుడిచ్చిన నలుగురు బిడ్డలను ఒకేరకంగా పెంచాడు. అప్పట్లో ఇంటి నుండి మాత్రమే కాకుండా బయట వారి నుండి కూడా కొన్ని సూటిపోటి మాటలను ఎదుర్కొంది. ఆడపిల్లలు కనడం మాచేతుల్లో ఉంటుందా ? ఎందుకు ఈ సమాజం మమ్మల్ని అర్ధం చేసుకోదు అంటూ ఇటీవల ఒక ఇంటర్వ్యూలో తన వేదనను పంచుకుంది.
