ఇప్పటికే కెజిఎఫ్ రెండు భాగాల సినిమాలతో అత్యంత భారీ విజయాలు సొంతం చేసుకుని అందరి దృష్టిని ఆకర్షించిన ప్రశాంత్ నీల్ ఈ సినిమాతో కూడా మరొక భారీ విజయం అందుకునేలా సలార్ ని ఎంతో అద్భుతంగా తీస్తున్నట్లు ఇన్నర్ వర్గాల టాక్. ఇటీవల నలభై శాతం షూటింగ్ జరుపుకున్న ఈ సినిమా లేటెస్ట్ షెడ్యూల్ నేటి నుండి ప్రారంభం అయింది. అయితే విషయం ఏమిటంటే, సలార్ మూవీ మొత్తం రెండు భాగాలుగా తెరకెక్కనుందని ఇటీవల పలు మీడియా మాధ్యమాల్లో వర్గాలు హల్చల్ చేయడంతో మొన్న కెజిఎఫ్ 2 ప్రమోషన్స్ లో భాగంగా దర్శకుడు ప్రశాంత్ నీల్ ని మీడియా వారు ఈ విషయం ప్రస్తావించడంతో ప్రస్తుతం తమకు ఆలోచన లేదని, సలార్ కేవలం ఒకటే సినిమా మాత్రమే అని ఆయన అన్నారు.
అయితే ఇటీవల రెండు రోజులుగా పలు టాలీవుడ్ వర్గాల్లో ప్రచారం అవుతున్న పలు కథనాలని బట్టి పక్కాగా ప్రభాస్ సలార్ మూవీ రెండు భాగాలుగా తెరకెక్కే ఛాన్స్ ఉందని, అయితే రెండవ భాగం విషయం ఇప్పటికిప్పుడు యూనిట్ నిర్ణయం తీసుకునే పరిస్థితి లేదని, దానిపై త్వరలో అఫీషియల్ గా ప్రకటన రానుందని, సలార్ ఫస్ట్ పార్ట్ క్లైమాక్స్ కి సీక్వెల్ తీసే స్కోప్ ఉండడంతో దర్శకుడు ప్రశాంత్ నీల్ ఈ నిర్ణయం ఇటీవల తీసుకున్నట్లు చెప్తున్నారు. అయితే ప్రస్తుతం ఇది ప్రచారంలో ఉన్న వార్త మాత్రమే అని, దీనిపై సలార్ టీమ్ నుండి అఫీషియల్ అనౌన్స్ వచ్చే వరకు నమ్మలేం అని అంటున్నారు విశ్లేషకులు
