రాక్ స్టార్ థమన్ సంగీతం అందించనున్న ఈ మూవీలో పూజా హెగ్డే హీరోయిన్ గా నటించనుండగా పక్కా యాక్షన్ తో సాగే కమర్షియల్ ఎంటర్టైనర్ గా దర్శకుడు త్రివిక్రమ్ ఈ మూవీని తీయనున్నట్లు టాక్. అయితే విషయం ఏమిటంటే, వాస్తవానికి ఎప్పుడో పట్టాలెక్కాల్సిన ఈ మూవీ, స్క్రిప్ట్ లేట్ గా పూర్తి కావడంతో త్వరలో పట్టాలెక్కనుందని ఇటీవల కొద్దిరోజులుగా మీడియా మాధ్యమాల్లో వార్తలు ప్రచారం అయ్యాయి. అయితే ప్రస్తుతం ఫ్యామిలీతో పాటు హాలిడే కి జర్మనీ వెళ్లిన మహేష్ ని కలవడానికి ఇటీవల త్రివిక్రమ్ అక్కడికి వెళ్లి ఆయనకు ఫైనల్ నేరేషన్ ఇవ్వడం, అది సూపర్ స్టార్ కి ఎంతో నచ్చడంతో పక్కాగా షెడ్యూల్స్ అన్ని కూడా ఫిక్స్ అయినట్లు టాక్.
ముఖ్యంగా ఈ మూవీ జులై మొదటి వారంలో ఆరంభం కానుందని, కొంత భాగం విదేశాల్లో మరికొంత భాగం హైదరాబాద్ లో తెరకెక్కనున్న ఈ మూవీ వచ్చే ఏడాది సమ్మర్ కి రిలీజ్ కానున్నట్లు టాక్. కాగా తమ హీరో లేటెస్ట్ మూవీ ఎప్పుడు మొదలవుతుందో అని ఎప్పటినుండో ఎదురు చూస్తున్న మహేష్ ఫ్యాన్స్ కి ఈ విధంగా గుడ్ న్యూస్ లభించినట్లే అని, హ్యాపీ గా వాళ్ళు రిలాక్స్ అవ్వొచ్చని అంటున్నారు విశ్లేషకులు.
