తమిళ సూపర్ స్టార్ విజయ్ కు తెలుగు తమిళ రాష్ట్రాలలో ఎంత క్రేజ్ ఉందో ప్రత్యేకించి చెప్పనక్కర్లేదు. సినిమాల ఫలితం ఎలా ఉన్నా స్టైల్, యాక్షన్, కామెడీతో ప్రేక్షకులను ఇట్టే ఆకట్టుకుంటూ ఉంటాడు. ఇతనితో సినిమాలు చేయడానికి డైరెక్టర్లు మరియు నిర్మాతలు పోటీ పడుతున్నారు. ఇటీవల విజయ్ మరియు నెల్సన్ దిలీప్ కుమార్ కాంబోలో తెరకెక్కిన బీస్ట్ చిత్రం.. అంచనాలను అందుకోకపోగా తన కెరీర్ లో ఒక మచ్చలా మిగిలిపోయింది. దానితో తన తర్వాత సినిమాలపై ప్రత్యేక దృష్టి పెడుతున్నాడు. అందుకే తమిళ డైరెక్టర్స్ ను వద్దనుకుని టాలీవుడ్ లో విభిన్న కథలను తెరకెకెక్కించి తనకంటూ సెపరేట్ మార్క్ ను క్రియేట్ చేసుకున్న వంశీ పైడిపల్లితో జత కట్టాడు.

ఈ సినిమాను దిల్ రాజ్ తన సొంత బ్యానర్ లో నిర్మిస్తున్నాడు. ఈ సినిమాకు సంబంధించిన టైటిల్ పోస్టర్ ను ఈ రోజు కాసేపటి క్రితమే విడుదల చేసింది చిత్ర బృందం. ఈ సినిమాకు తెలుగులో 'వారసుడు' మరియు తమిళ్ లో 'వారిసు' గా నిర్ణయించారు. ఇందులో విజయ్ సూట్ లో కనిపిస్తున్నాడు. అయితే ఇది చూసిన నెటిజన్లు అప్పుడే ట్రోల్స్ చేస్తున్నారు. వంశీ పైడిపల్లి మహేష్ తో చేసిన మహర్షి మూవీని లింక్ చేస్తూ మాట్లాడుకుంటున్నారు.  అందులో కూడా మహేష్ బాబు ఫారిన్ లో సీఈఓ గా పనిచేస్తూ మళ్ళీ ఇండియాకు తన స్నేహితుడి సమస్యను తీరుస్తాడు. అయితే ఇందులో ఫోటోను బట్టి చూస్తే అదే సీఈఓ గా కనిపిస్తున్నటు ఉన్నాడు.

అందుకే నెటిజన్లు మహర్షి సీక్వెల్ ను తీస్తున్నాడా అన్న సందేహాన్ని వెలిబుచ్చుతున్నారు. ఇది నిజంగా విజయ్ ఫ్యాన్స్ కు ఒక ట్రీట్ అని చెప్పాలి. అందరూ ఈ న్యూస్ ను సెలెబ్రేట్ చేసుకుంటున్నారు. మరి ఈ కథ ఏమిటో తెలియాలంటే మరికొంతకాలం వెయిట్ చేయాల్సిందే.

మరింత సమాచారం తెలుసుకోండి: