టాలీవుడ్ ఇండస్ట్రీలో మంచి క్రేజ్ ఉన్న హీరోలలో ఒకరు ఆయన అక్కినేని నాగ చైతన్య ప్రస్తుతం విక్రమ్ కే కుమార్ దర్శకత్వంలో తెరకెక్కుతున్న థాంక్యూ మూవీ లో హీరోగా నటిస్తున్న విషయం మన అందరికీ తెలిసిందే. ఈ సినిమాలో నాగ చైతన్య సరసన రాశి కన్నా హీరోయిన్ గా నటిస్తుండగా,  ఈ సినిమాకు సన్సేషనల్ మ్యూజిక్ డైరెక్టర్ తమన్ సంగీతాన్ని సమకూర్చాడు .

ఈ సినిమాని శ్రీ వెంకటేశ్వర క్రియేషన్స్ బ్యానర్ పై దిల్ రాజు , శిరీష్ నిర్మించారు. ఈ మూవీ ని కొంత కాలం క్రితమే జూలై 8 వ తేదీన విడుదల చేయనున్నట్లు చిత్ర బృందం అధికారికంగా ప్రకటించింది. అయితే ప్రస్తుతం ఈ మూవీ కి సంబంధించిన ఒక క్రేజీ న్యూస్ నెట్టింట తెగ వైరల్ అవుతుంది. అసలు విషయం లోకి వెళితే...  ఈ సినిమా విడుదలను చిత్ర బృందం వాయిదా వేయాలని నిర్ణయించుకున్నట్లు,  అందుకు ప్రధాన కారణం...  ఈ సినిమా విడుదలకు తక్కువ కాలం ఉండడంతో , ఇంకా ప్రచారాలను కూడా మొదలు పెట్టకపోవడంతో కాస్త సమయం తీసుకొని సినిమా ప్రమోషన్ లను భారీ ఎత్తున నిర్వహించే అప్పుడు సినిమాను విడుదల చేయాలని చిత్ర బృందం ఆలోచనలో ఉన్నట్టు ఒక వార్త నెట్టింట్లో వైరల్ అవుతుంది .

అలాగే ఈ సినిమా జూలై 22 వ తేదీన విడుదల చేయడానికి చిత్ర బృందం సన్నాహాలు చేస్తున్నట్లు కూడా ఒక వార్త వైరల్ అవుతుంది. ఇది ఇలా ఉంటే ఈ వార్తలకు సంబంధించి ఇప్పటి వరకు ఎలాంటి అధికారిక ప్రకటన వెలువడలేదు. ఇప్పటి వరకు ఈ సినిమా నుండి చిత్ర బృందం విడుదల చేసిన ప్రచార చిత్రాలు,  పాటలు ప్రేక్షకులను ఆకట్టుకునే విధంగా ఉండటంతో ఈ సినిమాపై సినీ ప్రేమికులు మంచి అంచనాలు పెట్టుకున్నారు.

మరింత సమాచారం తెలుసుకోండి:

naga chitanya

Pulgam Srinivas

24/06/2022 04:33 PM