వెంకీ స్పందించక పోవడంతో తరుణ్ భాస్కర్ అనేకమంది హీరోల చుట్టూ తిరిగినప్పటికీ వారెవ్వరూ అతడికి అవకాశాలు ఇవ్వలేదు అని అంటారు. ఇప్పుడు లేటెస్ట్ గా ఈ యంగ్ డైరెక్టర్ ప్రారంభిస్తున్న ఒక కొత్త సినిమాకు ‘కెడ కోల’ అన్న టైటిల్ ఫిక్స్ చేసినట్లు తెలుస్తోంది. ఒక క్రైం కథకు కామెడీ టచ్ ఇస్తూ తీయబోతున్న ఈ మూవీలో నటించడానికి ఒక మీడియం రేజ్ హీరో ముందుకు వచ్చాడు అన్నప్రచారం జరుగుతోంది.
ప్రస్తుతం స్క్రిప్ట్ వర్క్ జరుగుతున్న ఈ మూవీ త్వరలోనే షూటింగ్ పట్టాలు ఎక్కుతుంది అని అంటున్నారు. ఈ మూవీ ఇంకా ప్రారంభం కాకుండానే ‘ఓరుగల్లు’ అన్న వెబ్ సిరీస్ ను తరుణ్ భాస్కర్ ప్లాన్ చేసినట్లు తెలుస్తోంది. 1990 ప్రాంతంలో వరంగల్లు లో జరిగిన ఒక యదార్థ సంఘటనను ఆధారంగా తీసుకుని ఈ వెబ్ సిరీస్ ను డిజైన్ చేసారు అని అంటున్నారు. ఈమధ్య కాలంలో ప్రేక్షకులు సినిమాలకు సంబంధించి వెరైటీ టైటిల్స్ కు ఆకర్షితులు అవుతున్నారు.
ఆమధ్య వచ్చిన ‘డిజే టిల్లు’ టైటిల్ పరంగా కూడ యూత్ కు బాగా కనెక్ట్ అయింది. ఈ ట్రెండ్ ను కనిపెట్టి తరుణ్ భాస్కర్ తాను తీయబోయే సినిమాకు ఇలాంటి వెరైటీ టైటిల్ పెట్టాడు అనుకోవాలి. యూత్ కు సినిమా టైటిల్ నచ్చితే చాలు చిన్న సినిమా అయినప్పటికీ ఆసినిమాకు భారీ ఓపెనింగ్స్ వస్తున్నాయి. మరి తరుణ్ భాస్కర్ చేయబోతున్న ఈ ప్రయోగంతో మళ్ళీ అతడి క్రేజ్ ఎలా పెరుగుతుందో చూడాలి..
