ఒకవైపు రైటర్గా మరోవైపు కమెడియన్గా ఊహించని రేంజిలో పాపులారిటీ సంపాదించాడు హైపర్ ఆది. ఈ క్రమంలోనే ఈటీవీ లో ప్రసారమయ్యే ఎన్నో కార్యక్రమాలకు హైపర్ ఆది స్క్రిప్ట్ అందిస్తూ ఉంటాడు అనే విషయం తెలిసిందే. కేవలం బుల్లితెర కార్యక్రమాలకు మాత్రమే కాదు కూడా ఎన్నో సినిమాలకు కథలు అందించాడు హైపర్ ఆది. అయితే ఇటీవలే ఒక అమ్మాయిని పదకొండేళ్లుగా ఎంతో డీప్ గా ప్రేమిస్తున్నాను అంటూ షాకింగ్ విషయం చెప్పాడు.
ఇటీవల శ్రీదేవి డ్రామా కంపెనీ లో భాగంగా ఇషా చావ్లా స్పెషల్ గెస్ట్ గా ఎంట్రీ ఇచ్చింది. ఈ క్రమంలోనే పదకొండేళ్లుగా హీరోయిన్ ఇషా చావ్లా ని ప్రేమిస్తున్నాను. ప్రేమకావాలి సినిమా వచ్చినప్పటి నుంచి కూడా నీ మీద మనసు పారేసుకున్నా అంటూ స్టేజి మీద ప్రపోజ్ చేశాడు హైపర్ ఆది. ఈ క్రమంలోనే హైపర్ ఆది అలా చెప్పగానే ఇషాచావ్లా ఎంతగానో సిగ్గుపడిపోతూ ఉంది. ఇక ఇలా షో మొత్తం కూడా ఈ హీరోయిన్ ను లవ్ పడేసే ప్రయత్నం చేశాడు. అయితే ఇది చూసిన తర్వాత ఇక ఈ టీవీలో కార్యక్రమాలకు వచ్చే ఏ సెలబ్రిటీని జబర్దస్త్ కమెడియన్స్ వదలడం లేదు అంటూ నెటిజన్లు కామెంట్లు చేస్తున్నారు.