తొలి మూడు సినిమాలు ప్రేక్షకులను పెద్దగా అలరించలేకపోయాయి. నాలుగో సినిమా అయినా మోస్ట్ ఎలిజిబుల్ బ్యాచిలర్ సినిమా ప్రేక్షకులను ఆకట్టుకుంది. అయితే ఆ సినిమా ద్వారా ప్రేక్షకులు పెద్దగా ఎంజాయ్ చేయలేదనే చెప్పాలి. అఖిల్ కి కూడా కావాల్సిన విజయం ఎక్కువ మొత్తం లో దక్కలేదు. అక్కినేని అభిమానుల విజయపు ఆకలి మాత్రం అస్సలే తీరలేదు ఈ సినిమా తో. అందుకే మొదటి నుంచి మంచి అంచనాలు ఏర్పరుచుకున్న ఏజెంట్ సినిమా పైనే అందరి చూపు ఉంది. ప్రచార చిత్రాలతోనే ఈ సినిమా యొక్క క్రేజ్ ను అమాంతం పెంచేసాడు. సిక్స్ ప్యాక్ తో అదరగొట్టిన ఈ హీరో అందరి దృష్టిని ఆకట్టుకున్నాడనే చెప్పాలి. అలా ఇప్పుడు చేస్తున్న ఈ సినిమా పై మంచి అంచనాలు ఏర్పరచగలిగాడు.
ఇకపోతే ఈ సినిమా పై ఇప్పటివరకు ఉన్న బజ్ కాస్త ఇప్పుడు టీజర్ అనౌన్స్ మెంట్ తో ఒక్కసారిగా పెరిగిపోయిందని చెప్పాలి. ఈ సినిమా యొక్క టీజర్ రేపు విడుదల కాబోతుంది. ప్రేక్షకులను భారీగా ఊరిస్తున్న ఈ సినిమా ఏ స్థాయి లో ఉంటుందో కానీ అక్కినేని అభిమానులు మాత్రం ఈ సినిమా పై మంచి ఆసక్తి ని కనపరుస్తున్నారు. తప్పకుండ ఈ సినిమా మంచి విజయాన్ని అందుకుంటుంది అన్న ఆశాభావం వ్యక్తం చేస్తున్నారు. మరి వారి ఆశలని ఈ చిత్రం నిలబడుతుందా అనేది చూడాలి. సాక్షి వైద్య హీరోయిన్ గా నటిస్తున్న ఈ సినిమా కి థమన్ సంగీతం అందిస్తుండడం విశేషం.