ఇప్పటికే ఈ హీరో చేతిలో అరడజనుకు పైగా చిత్రాలు ఉన్నాయి. కరోనా పుణ్యమా అని పెద్ద పెద్ద హీరోల సినిమాలే డైలమాలో వుంటే, వరుస చిత్రాలు చేస్తూ తన మార్కెట్ ను పెంచుకుంటూ పోతున్నాడు కిరణ్ అబ్బవరం. ఈ యంగ్ హీరో పుట్టినరోజు నేపథ్యంలో బ్యాక్ టు బ్యాక్ ఆయన తాజా సినిమాల అప్‌డేట్స్ ఇస్తూ మరింత పాపులారిటీని సొంతం చేసుకుంటున్నారు. 'మీటర్', 'రూల్స్ రంజన్', 'వినరో భాగ్యము విష్ణు కథ', 'మీకు బాగా కావాల్సిన వాడిని..' వంటి పలు ప్రాజెక్ట్ లతో ఒక్క క్షణం తీరిక లేకుండా బిజీబిజీగా ఉన్నారు కిరణ్.
మరి ఈ హీరో వరుస చిత్రాల్లో ఏ సినిమా ఎలాంటి ఫలితాన్ని అందుకుంటుంది అన్నది చూడాలి. ఈ హీరో కి తన వాయిస్ , బాడీ లాంగ్వేజ్ ఇండస్ట్రీలో దూసుకెళ్లడానికి బాగా ప్లస్ అయ్యాయి. అంతే కాకుండా మన ఇంట్లో అల్లరి అబ్బాయిల అనిపించేలా అతడి నటన తెలుగు ప్రేక్షకుల హృదయాలను గెలుచుకునేలా చేసింది. మన అన్న ఫీలింగ్ ఒక్కసారి మొదలయ్యాక ఇక మన తెలుగోళ్ళు ఎంతగా ఆదరిస్తారు అన్నది తెలిసిందే ఇంతటి ప్రేమను చొరగొన్న కిరణ్ అబ్బవరం నిజంగా గ్రేట్ అంటున్నారు అంతా !
