అక్కినేని అఖిల్ హీరోగా సురేందర్ రెడ్డి డైరక్షన్ లో వస్తున్న సినిమా ఏజెంట్. ఏకె ఎంటర్టైన్ మెంట్స్ బ్యానర్ లో అనీల్ సుంకర ఈ మూవీని నిర్మిస్తున్నారు. సినిమా కోసం భారీ బడ్జెట్ కేటాయించినట్టు తెలుస్తుంది. రీసెంట్ గా వచ్చిన ఈ సినిమా టీజర్ సినిమాపై అంచనాలు పెంచింది. టీజర్ లో అఖిల్ యాక్షన్ సీన్స్ కి ఆడియెన్స్ ఫిదా అయ్యారు. ఇక ఈ సినిమా మీద నిర్మాత అనీల్ సుంకర భారీ హోప్స్ తో ఉన్నారు.

సినిమా అఖిల్ కెరియర్ లో బిగ్గెస్ట్ హిట్ గా నిలుస్తుందని అన్నారు. అంతేకాదు ప్రతి హీరో కెరియర్ లో ఒక సినిమా ఆల్ టైం ఫేవరెట్ గా ఉంటుందని. అఖిల్ కెరియర్ లో ఏజెంట్ కూడా అలాంటి సినిమానే అని అంటున్నారు అనీల్ సుంకర. అఖిల్ కెరియర్ ని నెక్స్ట్ లెవల్ లో తీసుకెళ్లే సినిమా ఏజెంట్ అని అంటున్నారు అనీల్ సుంకర. ఈ సినిమాలో సాక్షి వైద్య హీరోయిన్ గా నటిస్తుంది. యాక్షన్ ఎంటర్టైనర్ గా వస్తున్న ఏజెంట్ సినిమాపై ఇప్పటికే అంచనాలు భారీగా ఉన్నాయి.

మోస్ట్ ఎలిజిబుల్ బ్యాచిలర్ సినిమాతో కెరియర్ లో ఫస్ట్ టైం కమర్షియల్ హిట్ అందుకున్న అఖిల్ ఆ హిట్ మేనియాని కొనసాగించాలని చూస్తున్నాడు. అఖిల్ ఏజెంట్ సినిమా మాత్రం అతని కెరియర్ లో ప్రత్యేకమైన సినిమాగా నిలుస్తుందని టాక్. మరి ఈ సినిమా అఖిల్ కు కోరుకుంటున్న హిట్ అందిస్తుందా లేదా అన్నది చూడాలి. సైరా నరసింహా రెడ్డి తర్వాత అఖిల్ చేస్తున్న ఈ సినిమాపై అక్కినేని ఫ్యాన్స్ కూడా చాలా అంచనాలు ఏర్పరచుకున్నారు. ఈ సినిమా ఏ రేంజ్ లో సత్తా చాటుతుందో చూడాలి. అఖిల్ మాత్రం తన మాస్ మేకోవర్ తో దుమ్ముదులిపేయాలని చూస్తున్నాడు. టీజర్ లో అతని యాటిట్యూడ్ చూసి ఫ్యాన్స్ ఫిదా అయ్యారు.


మరింత సమాచారం తెలుసుకోండి:

Akhil Agent

shami

24/07/2022 10:46 PM