బాలీవుడ్ ఫిలిం హిస్టరీలో ఉన్న బిగ్గెస్ట్ హీరోల్లో ఆమిర్ ఖాన్ ఒకరు. 'లగాన్', '3 ఇడియట్స్', 'పీకే', 'దంగల్' లాంటి సినిమాలతో భారతీయ సినిమా వసూళ్ల రికార్డులను ఆయన తిరగరాశారు.ఇక అలాంటి స్టార్ హీరో నుంచి వచ్చిన కొత్త సినిమా 'లాల్ సింగ్ చడ్డా'. ఇటీవల విడుదలైన ఈ సినిమాకి ఫుల్ రన్ రూ.50 కోట్లు కూడా రాలేదు. ఈ సినిమా రిలీజ్ కు ముందు ఆమిర్ ఖాన్ కి వ్యతిరేకంగా సోషల్ మీడియాలో ప్రచారం జరిగిన సంగతి తెలిసిందే.ఈ సినిమాను బాయ్‌కాట్ చేయాలంటూ ఓ వర్గం నెగెటివ్ కామెంట్స్ తో రచ్చ చేసింది. ఆమిర్ ఖాన్ కి ఇండియా అంటే ఇష్టం లేదని.. అలాంటప్పుడు ఇండియాలో ఆయన సినిమాలను ఎందుకు రిలీజ్ చేస్తున్నారంటూ మండిపడ్డారు. ఈ విషయంలో ఆమిర్ ఖాన్ తన సినిమాను బాయ్‌కాట్ చేయొద్దంటూ ప్రెస్ మీట్స్ లో రిక్వెస్ట్ చేసినా.. ఫలితం లేకుండా పోయింది. మరోపక్క ఇతర బాలీవుడ్ స్టార్స్ తమ సినిమా ప్రమోషన్స్ సందర్భంగా మాట్లాడిన మాటలు సినిమాకి ప్లస్ అవ్వకపోగా.. ఇంకా నెగెటివ్ గా మారాయి.


ఓవరాల్ గా చూసుకుంటే ప్రమోషన్స్ తో జరిగే మంచి కంటే చెడే ఎక్కువ కనిపిస్తుంది. దీంతో కొందరు బాలీవుడ్ స్టార్స్ తమ సినిమాలను ప్రమోట్ చేయడానికి వెనుకడుగు వేస్తున్నారు. షారుఖ్ కూడా తమ 'పఠాన్' సినిమా ప్రమోషన్స్ కి దూరంగా ఉండాలనుకుంటున్నారు.ఇటీవలే 'పఠాన్' సినిమాను బాయ్‌కాట్ చేయాలంటూ కూడా సోషల్ మీడియాలో పెద్ద ఉద్యమం నడిచింది. సినిమా రిలీజ్ టైంలో కచ్చితంగా టార్గెట్ అవుతుంది. అందుకే షారుఖ్.. తను సినిమాను ప్రమోట్ చేయడం కంటే.. సినిమా అవుట్ పుట్ తోనే జనాలు మాట్లాడుకునేలా చేయాలని చూస్తున్నారు. టీజర్, ట్రైలర్ ఇంకా ఇతర ప్రోమోలను ఇంట్రెస్టింగ్ గా కట్ చేసి.. ప్రమోషన్స్ కి చాలా దూరంగా ఉండాలనుకుంటున్నాడు.మరి షారుఖ్ ప్లాన్ వర్క్ ఔట్ అవుతుందో లేదో చూడాలి.

మరింత సమాచారం తెలుసుకోండి: