ప్రభాస్ కు ఇప్పుడు ఒక బ్లాక్ బష్టర్ హిట్ కావాలి వరస ఫ్లాప్ లతో సతమతమైపోతునప్పటికీ ప్రభాస్ మార్కెట్ ఎక్కడా చెక్కు చెదరలేదు సరికదా అతడి మార్కెట్ ఇంకా పెరుగుతూనే ఉంది. పాన్ ఇండియా స్టార్ గా ఇప్పటికే దేశవ్యాప్తంగా పేరు ప్రఖ్యాతలు సంపాదించుకున్న ప్రభాస్ ‘ఆదిపురుష్’ మూవీతో పాన్ వరల్డ్ స్టార్ గా మారారని ఆసపడుతున్నాడు.


దీనికి తగ్గట్టుగానే ఈమూవీని అత్యంత భారీ బడ్జెట్ తో తీయడమే కాకుండా ఈమూవీని ప్రపంచ వ్యాప్తంగా సుమారు 10 విదేశీ భాషలలో డబ్ చేసి ఒకేసారి విడుదల చేయబోతున్నారు. రామాయణ గాథను త్రీడీ టెక్నాలజీ లో ఒక అద్భుత దృశ్య కావ్యంగా ఈమూవీ ద్వారా ప్రేక్షకులకు చూపించబోతున్నారు. ఇప్పటికే చిత్రీకరణ పూర్తి చేసుకుని ప్రస్తుతం పోస్ట్ ప్రొడక్షన్ వర్క్స్ లో ఉన్న ఈమూవీకి సంబంధించి ఒక ఆసక్తికర న్యూస్ ఇప్పుడు చక్కర్లు కొడుతోంది.


హడావిడి చేస్తున్న వార్తల ప్రకారం ‘ఆదిపురుష్’ హిందీ మూవీకి ప్రభాస్ తన సొంత గొంతుతో డబ్బింగ్ చెప్పడం లేదు అని లీకులు వస్తున్నాయి. ‘ఆదిపురుష్’ మూవీలో ప్రభాస్ పోషిస్తున్నది ధీరోదాత్తుడు అయిన శ్రీరాముడు పాత్ర కాబట్టి ఆపాత్ర స్వభావం రీత్యా డైలాగ్స్ గంభీరంగా ఉండాలి కాబట్టి ఆ డైలాగ్స్ డబ్బింగ్ ను ప్రభాస్ తో కాకుండా షరద్ కేల్కర్ తో చెప్పిస్తున్నట్లు తెలుస్తోంది. దీనికి కారణం ‘బాహుబలి’ అంటున్నారు. ‘బాహుబలి’ లో ప్రభాస్ నటించిన పాత్రకు కేల్కర్ చెప్పిన హిందీ డబ్బింగ్ బాగా రావడంతో అలాగే మళ్ళీ ‘ఆదిపురుష్’ లో కూడ రిపీట్ చేస్తారట.


‘రాథే శ్యామ్’ మూవీలో ప్రభాస్ తన సొంత గొంతుతో డబ్బింగ్ చెప్పినప్పటికీ ప్రభాస్ వాయస్ హిందీ వెర్షన్ కు సరిపోలేదు అన్న విమర్శలు వచ్చాయి. ఇప్పుడు అలాంటి విమర్శలు మళ్ళీ రాకుండా ‘ఆదిపురుష్’ మూవీలో ఈ జాగ్రత్తలు తీసుకుంటున్నారు అని తెలుస్తోంది. ఇది ఇలా ఉంటే ప్రభాస్ శ్రీరాముడి గెటప్ కు సంబంధించిన టీజర్ ఇంకా విడుదల అవ్వకపోవడంతో ప్రభాస్ అభిమానులు తీవ్ర అసహనంలో ఉన్నట్లు తెలుస్తోంది..

మరింత సమాచారం తెలుసుకోండి:

Seetha Sailaja

24/09/2022 09:00 AM