పవన్ పుట్టిన రోజు సందర్భంగా ఈ సినిమా యొక్క టీజర్ కూడా విడుదల అయ్యింది. ఈ నేపథ్యంలో అది సినిమాపై మంచి బజ్ పెంచింది అని చెప్పాలి. పవన్ సరసన నిధి అగర్వాల్ కథానాయికగా నటిస్తోంది. చాలా రోజులుగా ఈ ముద్దుగుమ్మ ఈ సినిమా తప్పా వేరే సినిమా ను ఒప్పుకోలేదు. ఈ సినిమా తప్పకుండా తనకు మంచి అవకాశాలు తెచ్చిపెడుతుందని ఆమె భావిస్తుంది. అయితే ఈ సినిమా యొక్క వర్క్ షాప్ నిర్వహించింది. కారణం ఏదైనా ఈ వర్క్ షాప్ కు పవన్ కల్యాణ్, దర్శకుడు క్రిష్, హీరోయిన్ నిధి అగర్వాల్, మ్యూజిక్ డైరెక్టర్ ఎంఎం కీరవాణి తదితరులు హాజరయ్యారు.
ఈ సినిమా మళ్ళీ ఆగిపోయింది అని వస్త్తున్న వార్తలకు ఈ అప్డేట్ చెక్ పెట్టినట్లు అయ్యిందని చెప్పాలి. ఈ వర్క్ షాప్ లో ఇప్పటివరకు పూర్తయిన చిత్రీకరణ, తదుపరి షెడ్యూల్ గురించి చర్చించారు. ఈ సందర్భంగా పవన్ కల్యాణ్, తదితరులు తమ అభిప్రాయాలను పంచుకున్నారు. మరి త్వరలోనే మొదలు కాబోతున్న ఈ సినిమా యొక్క షూటింగ్ ను మొదలుపెట్టి వచ్చే ఏడాది విడుదల చేయడానికి సిద్ధమవుతున్నారు. దర్శకుడికి, హీరో కి, హీరోయిన్ కి ఈ సినిమా ఎంతో ముఖ్యమైన నేపథ్యంలో ఈ చిత్రం వారికి ఏ స్థాయి లో ప్రేక్షకులను అలరిస్తుందో చూడాలి.