ఓం రౌత్ దర్శకత్వంలో రూపొందిన ఈ సినిమా యొక్క టీజర్ ఇటీవల విడుదల కాగా చాలామంది ఈ సినిమా టీజర్ ను చూసి పెదవి విరిచారు. ఒక యానిమేషన్ సినిమా చూసినట్లుగా ఉందని వారు వాపోయారు. ముఖ్యంగా ప్రభాస్ అభిమానులు ఎన్నో అంచనాలు పెట్టుకున్న ఈ సినిమా టీజర్ ఇలా ఉండడం పట్ల ఎంతో నిరాశపడ్డారు. దాంతో ప్రభాస్ ఈ సినిమాకు త్రీడి టీజర్ ను మళ్ళీ విడుదల చేసి వచ్చిన నెగెటివిటీని కొంతవరకు పాజిటివ్ గా మార్చే ప్రయత్నం చేశాడు.
కానీ చాలామందిలో అభిప్రాయం మాత్రం ఇంకా మారలేదని చెప్పాలి. ఈ సినిమా యొక్క టీజర్ యొక్క నెగెటివిటీ సినిమాపై ఖచ్చితం గా ప్రభావం చూపే అవకాశం లేకపోలేదు. అందుకే ప్రభాస్ ఈ సినిమా యొక్క ప్రమోషన్ కార్యక్రమాలను వినూత్నంగా చేయాలని భావిస్తున్నాడు. అలాగే ప్రతి ఒక్కరిలో కూడా సినిమా పట్ల పాజిటివ్ వైబ్స్ ఏర్పాటు చేయాలని చూస్తున్నాడు. మరి వరుసగా రెండు భారీ ఫ్లాప్ ల తర్వాత ఈ హీరో ఏ స్థాయి లో ప్రేక్షకులను అలరిస్తాడో చూడాలి. రామాయణం ఆధారంగా రూపొందుతున్న ఈ సినిమా లో రాముడిగా ప్రభాస్ నటిస్తుండగా, సీత గా కృతి సనన్ నటిస్తుంది. ఇక ఈ సినిమా తర్వాత మారుతి దర్శకత్వంలో సినిమా చేసేందుకు రంగం సిద్ధమవుతుంది. సలార్ సినిమా ను కూడా విడుదల చేస్తున్నాడు.
