ఇక మొన్నటి వరకు సినిమాల్లో పెద్దగా కనిపించని బ్రహ్మాజీ ఇటీవల కాలంలో మాత్రం ఎన్నో సినిమాల్లో ప్రేక్షకులను అలరిస్తూ మళ్ళీ కడుపుబ్బ నవ్వించడం మొదలుపెట్టాడు. అయితే సినిమాల్లోనే కాదు ఇక నిజ జీవితంలో కూడా బ్రహ్మాజీ ఎంతో సరదాగా ఉంటాడు అని చెప్పాలి. ఇక ఎప్పుడు ఎక్కడ మాట్లాడినా కూడా సరదాగా మాట్లాడుతూ అందరిని నవ్విస్తూ ఉంటాడు. ఇకపోతే ఇటీవల ఏకంగా రెబల్ స్టార్ ప్రభాస్ ఒక డైలాగ్ ని స్పూఫ్ చేసి అందరిని పొట్ట చెక్కలయ్యేలా నవ్వించాడు అని చెప్పాలి. ఇందుకు సంబంధించిన వీడియో కాస్త వైరల్ గా మారిపోయింది.
ప్రభాస్ నటించిన ఆది పురుష్ టీజర్ విడుదలైన సమయంలో డైరెక్టర్ ఓం రౌత్ ను ప్రభాస్ కం టు మై రూమ్ పిలిచిన డైలాగ్ ఎంతో ఫేమస్ అయింది. ఇక ఇటీవల బ్రహ్మాజీ కూడా ఇదే డైలాగ్ తో నవ్వులు పూయించాడు అని చెప్పాలి. ప్రస్తుతం శోభన్, ఫరియా నటించిన లైక్ షేర్ సబ్స్క్రయిబ్ అనే సినిమాలో నటించాడు బ్రహ్మాజీ. ఇటీవల ఈ మూవీ ప్రమోషన్స్ లో భాగంగా చిత్ర బృందం క్యాష్ షో కి గెస్ట్లుగా వచ్చారు. ఈ క్రమంలోనే సుమ ఎలాంటి ప్రశ్నలు అడిగిన.. పక్కనున్నవారు తనపై ఎలాంటి కౌంటర్ వేసిన. కూడా సీరియస్ గా కం టు మై రూమ్ అంటూ డైలాగ్ చెప్పాడు.. ఇలా తరచూ బ్రహ్మాజీ కం టు మై రూమ్ అనడంతో అక్కడున్న వారందరూ కూడా తెగ నవ్వుకున్నారు అని చెప్పాలి.
