ప్రిన్స్:
జాతి రత్నాలు ఫేమ్ అనుదీప్ కె.వి డైరెక్షన్లో కోలీవుడ్ హీరో శివ కార్తికేయన్ హీరోగా తెరకెక్కిస్తున్న చిత్రం ప్రిన్స్ ఇందులో మారియా ర్యాబోషప్క హీరోయిన్ గా వెండితెరకు పరిచయం కాబోతోంది. ఈ సినిమా తెలుగు, తమిళ్ భాషలో రిలీజ్ అయిన విషయం తెలిసిందే.. కామెడీ ఎంటర్ టైనర్ గా అక్టోబర్ 21న ప్రేక్షకుల ముందుకు వచ్చిన ఈ సినిమా బాక్సాఫీస్ దగ్గర ఆశించిన స్థాయిలో విజయాన్ని సాధించలేకపోయింది. కానీ ఓటీటీ కోసం ఎదురుచూస్తున్న ప్రేక్షకులకు శుభవార్త అని చెప్పాలి. నవంబర్ 25వ తేదీ నుంచి ప్రముఖ ఓటీటీ డిస్నీ హాట్ స్టార్ లో ప్రసారం కానుంది.
కాంతారా:
కన్నడలో చిన్న సినిమాగా విడుదలయ్యి పాన్ ఇండియా వైడ్ గా సూపర్ హిట్ టాక్ తెచ్చుకున్న కాంతారా సినిమా ప్రస్తుతం అన్ని భాషల్లో కూడా బ్లాక్ బస్టర్లు సొంతం చేసుకుంది. వసూళ్లపరంగా ప్రభంజనం సృష్టించిన ఈ సినిమా నవంబర్ 24 అమెజాన్ ప్రైమ్ వీడియోలో స్ట్రీమ్ కానున్నట్లు సమాచారం.
చుప్:
దుల్కర్ సల్మాన్ , శ్రియ ధన్వంతరి హీరో హీరోయిన్లు దర్శకుడు ఆర్ బాల్కి తెరకెక్కించిన చిత్రం చుప్.. తీవ్ర విమర్శలు చేసే ఫిలిం క్రిటిక్స్ పై ఒక ఆర్టిస్ట్ రివేంజ్ తీర్చుకుంటే ఎలా ఉంటుంది అనేది ఈ సినిమా కథాంశం. సన్నీ డియోల్ ఇందులో కీలకపాత్ర పోషించారు. ఈ సినిమా కూడా 25వ తేదీ నుంచి ప్రముఖ ఓటీటీ Zee 5 లో స్ట్రీమింగ్ కాబోతోంది.
