ఇదిలా ఉండగా ప్రస్తుతం విశ్వక్ సేన్ స్వయంగా దర్శకత్వం వహిస్తూ నటిస్తున్న సినిమా ధమ్కీ. ఈ సినిమాలోని ఫస్ట్ లుక్ పోస్టర్ ను విశ్వక్ సోషల్ మీడియాలో రిలీజ్ చేశారు. క్లాస్ మరియు మాస్ లుక్ లో బాగా ఆకట్టుకుంటున్నారు విశ్వక్. ఒక శ్రీమంతుడికి ఎదురైన సమస్యను ఒక సాధారణమైన వెయిటర్ ఎలా పరిష్కరించాడు అనేది ఈ సినిమా కథాంశం. తాజాగా ఈ సినిమా రిలీజ్ డేటు ప్రకటించారు. తెలుగు, తమిళ్, మలయాళం, హిందీ భాషల్లో ఈ సినిమాను ఫిబ్రవరి 17వ తేదీన విడుదల చేయబోతున్నట్లుగా అధికారిక పోస్టర్ను కూడా విడుదల చేయడం జరిగింది.
పాన్ ఇండియా మూవీగా విడుదలవుతున్న ఈ సినిమాలో నివేదా పేతురాజు హీరోయిన్గా నటిస్తోంది. అలాగే ఇతర పాత్రలలో రావు రమేష్ , పృథ్వీరాజ్ , హైపర్ ఆది నటిస్తున్నారు. విశ్వక్ సేన్ సినిమా బ్యానర్ లో వన్మై క్రియేషన్స్ వారు కూడా సంయుక్తంగా ఈ సినిమాను నిర్మిస్తూ ఉండడం గమనార్హం. మొదటిసారి పాన్ ఇండియా రేంజ్ లో తన సినిమాను విడుదల చేయబోతున్న విశ్వక్ ఏ రేంజ్ లో సక్సెస్ అందుకుంటాడో చూడాలి. ఏది ఏమైనా ఓరి దేవుడా సినిమాతో మంచి విజయాన్ని అందుకున్న ఈయన ఈ సినిమాతో కూడా మరింత పాపులారిటీని దక్కించుకుంటాడు అని అభిమానులు ఆశాభావం వ్యక్తం చేస్తున్నారు.
