సరైన హిట్ లేకపోయినా  సాయికుమార్ ఆది మాత్రం  వరుసగా  సినిమాలు చేసుకుంటూ పోతున్నాడు. అయినా  బాక్సాఫీస్ వద్ద..  ఇంకా హిట్ కోసం  పడిగాపులు కాయాల్సిన పరిస్థితి.  మరి ఇలాంటి  నేపథ్యంలో  రచయిత డైమండ్ రత్నబాబు దర్శకత్వంలో  'బుర్రకథ' అనే సినిమా చేస్తున్నాడు ఈ హీరో.  అయితే ఈ 'బుర్ర..' కథలో  హీరో  రెండు మెద‌ళ్ల‌తో పుడతాడట.  మరి అలాంటి హీరో పెరిగి పెద్దయ్యాక  ఎలాంటి ప‌రిస్థితుల‌ను ఎదుర్కొన్నాడు ? ఆ పరిస్థితుల కారణంగా అతని జీవితంలో చోటు చేసుకున్న మలుపులు ఏమిటి ? చివరికీ మన హీరో 'బుర్ర'కి ఎలాంటి ముగింపు వస్తోంది ? లాంటి ఇంట్రస్టింగ్ పాయింట్ లతో  ఆది ఈ సారి గట్టిగానే ప్లాన్ చేశాడు.  


కాగా తాజాగా విడుదల తేదీని కూడా ఫైనల్ చేసింది 'బుర్రకథ' చిత్రబృందం. జూన్ 28వ తేదీన ఈ సినిమా విడుదల కానుంది. మరోపక్క  జూన్ లో ఇప్పటికే  ఏడు  సినిమాలు విడుదలకు  సిద్ధంగా ఉన్నాయి. ఇప్పుడు వాటితో  'బుర్రకథ' కూడా పోటీ పడనుంది. మరి ఈ పోటీలో 'బుర్రకథ' నెగ్గుతుందో లేదో చూడాలి. 


ఇక ఈ చిత్రం వ‌ర‌ల్డ్ వైడ్ థియేట్రిక‌ల్ రైట్స్‌ ను  వింటేజ్ క్రియేష‌న్స్ ఫ్యాన్సీ రేటుకు ద‌క్కించుకున్న సంగతి తెలిసిందే.   దీపాల ఆర్ట్స్ బ్యాన‌ర్‌ పై  హెచ్‌ కె.శ్రీకాంత్ దీపాల ఈ సినిమా  నిర్మిస్తున్నారు.  పక్కా కామెడీ ఎంటర్ టైనర్ గా రాబోతున్న  ఈ చిత్రంలో  ఆదికి జోడిగా మిస్తీ చక్రబోర్తి - నైరా షా కథానాయకులుగా నటిస్తున్నారు. 


మరింత సమాచారం తెలుసుకోండి:

adhi kumaar deepa k krishna kumar saikumar actor shri sree sri srikanth

Narayana Molleti

07/06/2019 01:40 PM