మెగా కాంపౌండ్ కి చెందిన మెగా ప్రిన్స్ వరుణ్ తేజ్ కారు యాక్సిడెంట్ కి గురైంది. హైదరాబాదు నుండి బెంగళూరు వెళుతుండగా తెలంగాణాలో వనపర్తి జిల్లాలో కొత్తకోట వద్ద ప్రమాదం జరిగింది. వేగంగా వెళ్లిన కారు ప్రమాదానికి గురవడంతో కారు కి తీవ్ర డామేజ్ జరిగింది కానీ వరుణ్ తేజ్ సురక్షితంగా ప్రమాదం నుండి బయటపడినట్లు తెలుస్తుంది. కారు కి కారు ఢీకొనడంతో రెండు కార్లు తీవ్రంగా ధ్వంసమయ్యాయి. అయితే జరిగిన ఘటనలో వరుణ్ తేజ్ కి ఎలాంటి గాయాలు కాకపోవడంతో అందరూ ఊపిరి పీల్చుకున్నారు. వాల్మీకి షూటింగ్ కోసం వరుణ్ తేజ్ బెంగుళూరుకు వెళుతున్నాడు.
ప్రయాణిస్తున్న సమయంలో వరుణ్ తేజ్ వాహనం దాదాపు 90 కిమీ వేగంతో ప్రయాణిస్తున్నట్లు తెలుస్తోంది. ఈ ప్రమాదంలో వరుణ్ తేజ్, ఆయన వాహనంలో ప్రయాణిస్తున్న ఇతరులుకు ఎలాంటి గాయాలు కాలేదు. ఢీ కొన్న మరో వాహనంలోని ప్రయాణికులకు స్వల్ప గాయాలైనట్లు తెలుస్తోంది. షూటింగ్ కోసం చిత్ర యూనిట్ మొత్తం 6 వాహనాల్లో బయలుదేరారు. ప్రమాదం తర్వాత వరుణ్ తేజ్ మరో కారులో బెంగుళూరు వెళ్ళాడు.
ఈ ఘటనపై పోలీసులు విచారణ జరుపుతున్నారు. హరీష్ శంకర్ దర్శకత్వంలో ఈ సినిమా తెరకెక్కుతుంది. అయితే వరుణ్ తేజ్ యాక్సిడెంట్ వార్త సోషల్ మీడియాలో రావడంతో చాలా మంది మెగా అభిమానులు కంగారు పడ్డారు. దీంతో వెంటనే వరుణ్ తేజ్ సోషల్ మీడియాలో స్పందించారు. “ నాకు ఎటువంటి ప్రమాదం జరగలేదని రోడ్డు ప్రమాదం నుండి అదృష్టంగా బయట పడినట్లు ఎలాంటి గాయాలు కూడా తగల లేదని చెబుతూ నాపై ప్రేమాభిమానాలు చూపించినందుకు కృతజ్ఞతలు అంటే అభిమానులకు సోషల్ మీడియాలో తెలియజేశారు.
