ఓ స్టార్ హీరోయిన్ కు మెగా హీరో ఫ్లాప్ ఇవ్వడంతో.. ఆ అమ్మడికి ఛాన్సులు లేకుండా పోయాయి. ఇప్పుడీ స్టార్ ను మరో మెగా హీరో ఆదుకుంటున్నాడు. ఓ మెగా యంగ్ హీరో సినిమాలో ఈ స్టార్ హీరోయిన్ నటించే అవకాశం ఉంది.
బాలీవుడ్ బ్యూటీ కియారా అద్వానీ భరత్ అనే నేనుతో తెలుగులోకి ఎంట్రీ ఇచ్చింది. ఈ సినిమా రిలీజ్ కాకుండానే.. వినయ విధేయ రామలో రామ్ చరణ్ తో జతకట్టే ఛాన్స్ అందుకుంది కియారా. ఇంకేముందీ టాలీవుడ్ ను దున్నేయచ్చన్న ఆమె ఆశపై వినయ విధేయ రామతో ఫుల్ స్టాప్ పడింది. ఆ సినిమా రిలీజై ఏడాది కావొస్తున్నా.. ఇంతవరకు తెలుగులో మరో ఛాన్స్ దక్కలేదు.
కియారా అద్వానీకి రామ్ చరణ్ ఫ్లాప్ ఇస్తే.. మరో మెగా హీరో వరుణ్ తేజ్ ఛాన్స్ ఇస్తున్నాడు. గద్దలకొండ గణేశ్ తర్వాత నటించే సినిమాలో బాక్సర్ గా కనిపించనున్నాడు. ప్రస్తుతం ఫారిన్ ట్రైనర్ ఆధ్వర్యంలో బాక్సింగ్ నేర్చుకునే పనిలో ఉన్నాడు. స్పోర్ట్స్ పర్సన్ కావడంతో.. మరోవైపు వెయిట్ తగ్గుతున్నాడు వరుణ్.
