ప్రస్తుతం టాలీవుడ్ డైరక్టర్స్ లో సూపర్ ఫాంలో ఉన్న వారిలో సుకుమార్ కూడా ఒకరు. రంగస్థలంతో సుకుమార్ సూపర్ హిట్ కొడితే ఆ సౌండ్ ఎలా ఉంటుందో మరోసారి చూపించాడు. ఇక ప్రస్తుతం అల్లు అర్జున్ తో సినిమా ప్లాన్ చేసిన సుకుమార్ ఆ మూవీని త్వరలో సెట్స్ మీదకు తీసుకెళ్లబోతున్నాడు. ఇక ఈ సినిమాలో హీరోయిన్ గా రష్మిక మందన్నను ఓకే చేసినట్టు తెలుస్తుంది. సినిమాలో బన్ని రఫ్ లుక్ లో కనిపిస్తాడని తెలుస్తుంది.
ఇదిలాఉంటే సుకుమార్ ఈ సినిమాలో కూడా మరో హీరోయిన్ కు ఛాన్స్ ఇస్తున్నాడట. ఆల్రెడీ రంగస్థలం సినిమాలో ఆమెను ఎంచుకున్న సుక్కు ఈ మూవీలో కూడా ఆ హీరోయిన్ కు మంచి పాత్ర ఇస్తున్నాడట. సుకుమార్ తప్ప ఆమెలోని టాలెంట్ ఎవరు గుర్తించలేదని చెప్పాలి. రంగస్థలంలో ఆది పినిశెట్టికి లవర్ గా నటించిన పూజితా పొన్నాడా ఆ తర్వాత పెద్దగా మెప్పించే పాత్రలు చేయలేదు.
చిన్న సినిమాల్లో చిన్న పాత్రలతో సరిపెట్టుకుంటున్న ఈ అమ్మడికి మళ్లీ సుకుమార్ మరో పెద్ద అవకాశం ఇస్తున్నట్టు తెలుస్తుంది. అల్లు అర్జున్ సినిమాలో పూజితాకు క్రేజీ రోల్ దక్కిందని తెలుస్తుంది. ఈ సినిమాకు హీరోయిన్ కన్నా ఈ పాత్ర చాలా ఇంపార్టెంట్ అని తెలుస్తుంది. హీరోయిన్ గా రష్మికకు యూత్ లో మంచి ఫాలోయింగ్ ఉంది. ప్రస్తుతం రష్మిక సరిలేరు నీకెవ్వరు సినిమాలో నటిస్తుంది.
సుకుమార్ పూజితాని రిపీట్ చేయడంలో ఆమెకు మంచి ఛాన్స్ వచ్చినట్టే అని చెప్పొచ్చు. మరి ఈ సినిమాతో అయినా అమ్మడి ఫేట్ మారుతుందేమో చూడాలి. తెలుగు అమ్మాయి అయిన పూజిత సరైన ఛాన్స్ రావాలే కాని తన టాలెంట్ ఏంటో చూపించేస్తా అంటుంది. మరి అమ్మడికి బన్ని సినిమాతో అయినా లక్ కలిసి రావాలని ఆశిద్దాం.
