ఆ మద్య గోపిచంద్ మలినేని దర్శకత్వంలో మాస్ మహరాజ రవితేజ, శృతి హాసన్ జంటగా నటించిన ‘బలుపు’ మూవీ సూపర్ డూపర్ హిట్ అయిన విషయం తెలిసిందే. ఈ మూవీలో రవితేజ ఓ గ్యాంగ్ స్టర్ గా నటించారు. తాను ప్రేమించిన యువతి కోసం పూర్తిగా మారిపోయి.. అజ్ఞాతంలోకి వెళ్లి మంచి యువకుడిగా మారుతాడు. ఈ మూవీలో ప్రకాశ్ రాజ్ అద్భుతమైన నటన ప్రదర్శించిన విషయం తెలిసిందే. ఈ మూవీలో ప్రేమించిన యువతిగా అంజలి.. తర్వాత రవితేజను ప్రేమించే పాత్రలో నటించారు. బలుపు తర్వాత రవితేజకు పెద్దగా హిట్ సినిమాలు పడలేదు. దాంతో రెండేళ్లు గ్యాప్ తీసుకొని అనీల్ రావిపూడి దర్శకత్వంలో ‘రాజా ది గ్రేట్’ మూవీలో నటించాడు.
ఈ మూవీ సూపర్ హిట్ అయ్యింది. ఆ తర్వాత రవితేజ నటించిన సినిమాలన్నీ వరుస అపజయాలు పొందాయి. దాంతో తరువాత సినిమాలపై జాగ్రత్తలు తీసుకుంటున్నారు. ప్రస్తుతం ‘డిస్కోరాజా’ మూవీలో నటిస్తున్నారు రవితేజ. ఈ మూవీకి సంబంధించిన టీజర్ సోషల్ మీడియాలో మంచి రెస్పాన్స్ వస్తుంది. ఈ మూవీ తర్వాత గోపిచంద్ మలినేని దర్శకత్వంలో ‘క్రాక్’ మూవీలో నటిస్తున్నారు రవితేజ. ఈ మూవీలో రవితేజ ఓ పవర్ ఫుల్ పోలీస్ ఆఫీసర్ పాత్రలో నటిస్తున్నారట. ఓ యధార్థ ఘటన ఆధారంగా ఈ మూవీ తెరకెక్కిస్తున్నట్లు సమాచారం.
గతంలో రవితేజ పోలీస్ ఆఫీసర్ గా నటించిన సినిమాలకు మంచి క్రేజ్ వచ్చిన విషయం తెలిసిందే. అయితే ఆ మద్య రిలీజ్ అయిన టచ్ చేసి చూడు మాత్రం ఈ మాస్ మహరాజకు అస్సలు కలిసి రాలేదు. ప్రస్తుతం నటిస్తున్న డిస్కోరాజా మంచి హిట్ టాక్ వస్తే... ఆ ప్రభావం క్రాక్ పై కూడా ఉండొచ్చని అంటున్నారు. బలుపులో నటించిన శృతిహాసన్ ఈ మూవీలో నటిస్తుంది. మరి బలుపు లాంటి సక్సెస్ క్రాక్ అందుకుంటుందా లేదా చూడాలి.
