బిగ్ బాస్ షో ఎంత పాపులర్ అయిందో వారి జంట కూడా అంతే పాపులర్ అయింది. వారే రాహుల్ సిప్లిగంజ్, పునర్నవి భూపాలం వీరికి  విపరీతమైన క్రేజ్ ఉంది. రాహుల్ బిగ్ బాస్ విజేతగా అవతరించడంలో పునర్నవి పాత్ర కీలకమే.  ప్రతిసారి ఈ ఇద్దరి మధ్య ఏదో నడుస్తోందన్న భావన ప్రేక్షకుల్లో కలిగిస్తూ ఈ ఇద్దరి మధ్య బంధాన్ని లవ్ ట్రాక్‌గా మలిచారు. ఇది టీఆర్పీ రేటింగ్‌లో భాగమే అయినా.. పున్నూ-రాహుల్‌లు కూడా లవ్, డేటింగ్, రొమాన్స్ అంటూ కథను బాగానే రక్తికట్టించారు.

 

పునర్నవి, రాహుల్‌లు ఓకే అంటే పెళ్లి చేసి ఓ ఇంటి వాళ్లను చేయడానికి మాకు ఎలాంటి అభ్యంతరం లేదని గతంలో రాహుల్ పేరెంట్స్‌ కూడా వెల్లడించేసారు. ఈ సంగతి అటుంచితే.. నిన్న వ్యాలెంటైన్స్ డే కావడంతో పున్నూ, రాహుల్ కలిసారు. ఇద్దరూ కలిసి బయటికి వెళ్తే జనాలు తప్పుగా అర్థంచేసుకుంటారేమోనని.. సినీ నటుడు వరుణ్ సందేశ్ ఇంటికి వెళ్లారు. వరుణ్, వితికా, రాహుల్, పునర్నవి నిన్న బాగా సందడి చేసారు. ఈ సందర్భంగా నలుగురూ కలిసి దిగిన ఫొటోను వరుణ్ ఇన్‌స్టాగ్రామ్‌లో షేర్ చేసారు. ఫొటోలో పున్నూ ఫోనులో ఏదో చూపిస్తుంటే పక్కనే ఉన్న రాహుల్, వితిక, వరుణ్ నవ్వుకుంటూ కనిపించారు.

 

హ్యాపీ వ్యాలెంటైన్స్ డే ఫ్రం ది గ్యాంగ్’ అని క్యాప్షన్ ఇచ్చారు. అయితే బిగ్‌బాస్ హౌజ్‌లో గేమ్ ఆడటానికి మాత్రమే రాహుల్, పున్నూ లవ్ ట్రాక్ నడిపారు. తప్ప తామిద్దరి మధ్య అలాంటి రిలేషన్ ఏమీ లేదని, కేవలం ఫ్రెండ్స్ మాత్రమేనని ఇద్దరూ చాలా సార్లు క్లారిటీ ఇచ్చారు. కానీ ఫ్యాన్స్ మాత్రం వారిని కపుల్‌లాగే భావిస్తున్నారు. అది ఫ్యాన్స్‌లో వారిపై ఉన్న క్రేజ్ మాత్రమే. ‘జబర్దస్త్’లో రష్మి గౌతమ్, సుడిగాలి సుధీర్ ఎలానో.. బిగ్‌బాస్‌లో రాహుల్, పున్నూ అలా అన్నమాట.

 

మరింత సమాచారం తెలుసుకోండి: