ప్రస్తుతం టాలీవుడ్ యంగ్ హీరోస్ లో మంచి ఫాలోయింగ్ ఉన్న హీరో, విజయ్ దేవరకొండ. వరుసగా సినిమాలు ఫ్లాప్ అవుతున్నా సరే అవకాశాలను కొట్టేస్తున్నాడు. ప్రస్తుతం నాలుగు సినిమాలు చేస్తున్నాడు ఈ హీరో. వచ్చే ఏడాది చేసే సినిమాలను కూడా లైన్లో పెట్టుకున్నాడు ఈ యువ హీరో. గత ఏడాది వచ్చిన డియర్ కామ్రేడ్, ఈ ఏడాది మొదట్లో వచ్చిన వరల్డ్ ఫేమస్ లవర్ సినిమాలు ఫ్లాప్ అయ్యాయి. ఈ సినిమాలు రెండు కూడా బిగ్గెస్ట్ ఫ్లాప్స్ గా నిలిచాయి. ప్రస్తుతం పూరి జగన్నాథ్ దర్శకత్వంలో ఒక సినిమా చేస్తున్నాడు.
ఈ సినిమా వచ్చే వేసవిలో ప్రేక్షకుల ముందుకి రానుంది. ప్రస్తుతం షూటింగ్ 60 శాతం పూర్తి అయిందని అంటున్నారు. కొన్ని కీలక సన్నివేశాలకు సంబంధించిన షూటింగ్ పూర్తి చేస్తున్నారు. ఈ సినిమాలో విజయ్ దేవరకొండ బాక్సర్ గా నటిస్తున్నాడు. దీనితో అతను ఏ విధంగా నటిస్తాడు అనే ఆసక్తి అందరిలోనూ నెలకొంది. ఇక ఇదిలా ఉంటే ఈ సినిమాను పాన్ ఇండియా వైడ్ గా పూరి జగన్నాథ్ విడుదల చేస్తున్నాడు. హిందిలో కరణ్ జోహార్ తో కలిసి విడుదల చేయడానికి ప్లాన్ చేస్తున్నాడు. ఈ ఇద్దరు కలిసే ఈ సినిమాను నిర్మిస్తున్నారు.
పూరి జగన్నాథ్ ఈ సినిమా కోసం రూ.50 కోట్లు వెచ్చిస్తున్నారట. తెలుగు, హిందీ, తమిళం, మలయాళం, కన్నడ భాషల్లో ఒకేసారి ఈ చిత్రం విడుదల కానుంది. ఈ సినిమా బడ్జెట్ పరంగా భారీ సినిమా అంటున్నారు. ఇప్పటి వరకు ఈ రేంజ్ బడ్జెట్ లో అతను సినిమాలు చేయలేదు. దీనితో ఈ సినిమా ఎలా ఉంటుంది...? ఇస్మార్ట్ శంకర్ సినిమా తర్వాత పూరి జగన్నాథ్ కి ఆ రేంజ్ హిట్ ఇస్తుందా...? అనే ఆసక్తి అందరిలోనూ నెలకొంది. విజయ్ దేవరకొండ కూడా ఈ సినిమాలో ఎక్కడా వేలు పెట్టకుండా దర్శకుడు చెప్పినట్టు చేస్తున్నాడు.
