తెలుగు ఇండస్ట్రీ స్టార్ హీరోలైన రామ్ చరణ్, జూనియర్ ఎన్టీఆర్ ముఖ్య పాత్రల్లో నటిస్తూ... రాజమౌళి దర్శకత్వంలో రూపొందుతున్న సినిమా ఆర్.ఆర్.ఆర్. ఈ సినిమా చాలా ప్రతిష్టాత్మకంగా  రూపుదిద్దుకుంటుందని అందరికీ తెలిసిన విషయమే. అయితే తాజాగా ఈ సినిమా గురించి నటుడు నాగబాబు స్పందించడం జరిగింది. ఇటీవల రిలీజ్ చేసిన బీం ఫర్ రామరాజు వీడియో ప్రజలను ఎంతగానో ఆకట్టుకుంది. అలాగే ఎన్టీఆర్ పాత్ర పోషిస్తున్న కొమరం భీమ్ పాత్రకి సంబంధించిన వీడియో కోసం కూడా ఆత్రుతగా ఎదురు చూస్తున్నారు ప్రేక్షకులు. 

 


ప్రస్తుతం లాక్ డౌన్ నేపథ్యంలో ఇళ్లకు పరిమితమయ్యారు అందరూ. దీనితో ఫేస్ బుక్ లైవ్ లోకి అభిమానుల ముందుకు రావడం జరిగింది. అంతేకాకుండా పలువురు నటులు అడిగిన ప్రశ్నలకు సమాధానాలు ఇస్తూ వాళ్లను ఆకట్టుకున్నారు. తాజాగా కొన్ని ప్రశ్నలకు సమాధానం చెబుతున్న వీడియోను యూట్యూబ్ ఛానల్ లో ఉంచడం జరిగింది. ఇందులో ఆర్.ఆర్.ఆర్ సినిమా పై ఉన్న అభిప్రాయం గురించి నన్ను కొందరు అడిగారు అని నాగబాబు తెలిపారు. 

 


ఆ సమయంలో ఎవరికైతే నేను సమాధానం ఇవ్వలేదో వారి కోసమే ఈ వీడియో అంటూ నాగబాబు తెలిపారు. ఇటీవల రామ్ చరణ్ బర్త్ డే రోజున చరణ్ పోషిస్తున్న అల్లూరి సీతారామరాజు పాత్రను తెలియజేస్తూ విడుదల చేసిన వీడియో చూశాను.. ఆ వీడియో పూర్తిగా చూశాక రామరాజు పాయింట్ ఆఫ్ లో ఎన్టీఆర్ పాత్ర కొమరం భీమ్ ఎలా ఉంటాడో అన్న ఆత్రుత చాలా ఎక్కువ అయ్యింది అంటూ నాగబాబు తెలిపారు. అంతేకాకుండా సినిమాకు సంబంధించి ఫస్ట్ ప్రోమో తోనే ప్రేక్షకులను చాలా ఆకట్టుకుందని తెలిపారు. 

 


సినిమా గురించి నేను విన్న కథ ఏమిటంటే.. అల్లూరి సీతారామరాజు, కొమరం భీమ్.. వీరిద్దరు తెలుగు రాష్టాలలోని మన్యం, బడుగు బలహీన వర్గాల ప్రజల సంక్షేమం కోసం యుద్ధం చేసిన విప్లవ వీరులని, ఒకవేళ వీరిద్దరు ఎక్కడైనా కలిసి ఉంటే ఎలా ఉండేది అనే కోణాన్ని ఇందులో చూపించనున్నారని ఆయన సూచన ప్రాయంగా  తెలిపాడు.  

మరింత సమాచారం తెలుసుకోండి: