మెగా ఫ్యామిలీ నుండి సాయి ధరమ్ తేజ్ తమ్ముడు వైష్ణవ్ తేజ్ హీరోగా పరిచయమవుతున్న చిత్రం ఉప్పెన. కరోనా లేకుంటే ఈపాటికే విడుదలకావాల్సింది కానీ ఈ మహమ్మారి వల్ల రెండు నెలలు వాయిదాపడింది. జూన్ లేదా జులై లో ఉప్పెన థియేటర్లలోకి వచ్చేలా వుంది. ఈసినిమాలో తమిళ స్టార్ యాక్టర్ ,మక్కల్ సెల్వన్ విజయ్ సేతుపతి విలన్ గా నటిస్తున్నాడు. ఇటీవలే విజయ్ ఫస్ట్ లుక్ కూడా విడుదలైంది. ఇక ఈ సినిమా విజయ్ కి బాగా నచ్చిందని, 96 కంటే ఉప్పెన స్టోరీ బాగుందని విడుదల తరువాత ఈ సినిమా గురించి అందరు మాట్లాడుకుంటారని విజయ్ అన్నారని డైరెక్టర్ బుచ్చిబాబు సాన ఇటీవల ఓ ఇంటర్వ్యూ లో వెల్లడించాడు.
ఇక ఇప్పుడు విజయ్,ఈసినిమా తమిళ రీమేక్ రైట్స్ ను దక్కించుకున్నాడట. నిజానికి విజయ్ సేతుపతి వున్నాడు కాబట్టి తెలుగు తోపాటు తమిళంలోకి డబ్ చేసి విడుదలచేద్దాం అనుకున్నారు కానీ విజయ్ అడగడంతో మేకర్స్ ఆ ప్రయత్నాన్ని విరమించుకున్నారు. తమిళ నిర్మాణంలో కూడా మైత్రి మూవీ మేకర్స్, సుకుమార్ భాగస్వామ్యం అవుతారని టాక్.
