ఒకే సినిమాను వివిధ భాషల్లో దాదాపు 16 సార్లు రీమేక్ చేయటం అంటే మామూలు విషయం కాదు. అలాంటి అరుదైన ఘనత సాధించిన అద్భుత చిత్రమే దేవదాసు. 1917లో ప్రముఖ బెంగాళీ రచయిత శరత్ చంద్ర ఛటోపాధ్యాయ రాసిన నవల ఆధారంగా ఈ సినిమాను తెరకెక్కించారు. తొలిసారి 1928లో సైలెంట్ మూవీగా ఈ సినిమాను రూపొందించారు. ఆ తరువాత బెంగాళీ, హిందీ, అస్సామీ భాషల్లో రూపొందించారు. 1953లో తెలుగు, తమిళ భాషల్లో అక్కినేని నాగేశ్వరరావు హీరోగా ఓ సినిమాను తెరకెక్కించారు. ఈ సినిమా సౌత్ ఇండస్ట్రీలోనే కాదు ఇండియన్ సినిమా చరిత్రలోనే ఓ క్లాసిక్గా నిలిచిపోయింది.
తెలుగు దేవదాసు ఏ స్థాయిలో సక్సెస్ అయ్యిందంటే. తరువాత ఆ సినిమా ఎన్ని సార్లు రీమేక్ అయినా అక్కినేని నటన ఎవరు మ్యాచ్ చేయలేకపోయారు ఆ నటులే స్వయంగా ఒప్పుకునే స్థాయిలో సక్సెస్ అయ్యింది. అక్కినేని తరువాత సూపర్ స్టార్ కృష్ణ కూడా దేవదాసును రీమేక్ చేశాడు. అయితే అక్కినేని సినిమాతో పోల్చి చూస్తే ఈ సినిమా టెక్నికల్ గా సూపర్బ్ అనిపించినా ఎమోనల్గా మాత్రం ఆ స్థాయిలో సక్సెస్ కాలేకపోయింది. 1955లో దిలీప్ కుమార్ హీరోగా హిందీలో దేవదాస్ను రీమేక్ చేశారు.
ఇక ఈ జనరేషన్కు తెలిసిన దేవదాస్ షారూఖ్ ఖాన్. 2002లో క్లాసిక్ చిత్రాల దర్శకుడు సంజయ్ లీలా భన్సాలీ.. షారూఖ్, ఐశ్వర్య రాయ్, మాధురి దీక్షిత్ ల కాంబినేషన్లో ఈ సినిమాను రీమేక్ చేశాడు. అయితే క్వాలిటీ పరంగా అద్బుతం అనిపించిన ఈ దేవదాసు, ఆ మ్యాజిక్ను మాత్రం రిపీట్ చేయలేకపోయింది. ఇలా దాదాపు 16 సార్లు పూర్తి స్థాయి సినిమాగా దేవదాసు రీమేక్ కాగా, వెబ్ సిరీస్లు, అడాప్టేషన్లు కలుపుకుంటూ దాదాపు 25 సార్లు దేవదాస్ రీమేక్ అయి ఉంటుందని లెక్కలు వేస్తున్నారు మేకర్స్..