బాలీవుడ్ స్టార్లు ఇప్పటి వరకు నైజాం కలెక్షన్ ఎంత.. గోదావరి నుంచి ఎంతొచ్చింది.. సీడెడ్ వసూళ్లు ఎంత అని లెక్కలేసుకునేవాళ్లు. ఏరియా వైజ్ గా మార్కెట్ పెంచుకునేందుకు ప్రయత్నాలు చేసేవాళ్లు. అయితే ఇప్పుడు మార్కెట్ ట్రెండ్స్ తో పాటు ఈ ప్రాంతాల యాసలనీ నేర్చుకుంటున్నారు టాలీవుడ్ స్టార్లు.
జూనియర్ ఎన్టీఆర్, రామ్ చరణ్ తో రాజమౌళి డైరెక్ట్ చేస్తున్న టాలీవుడ్ మోస్ అవైటెడ్ మూవీ ట్రిపుల్ ఆర్. ఈ హిస్టారికల్ డ్రామాలో చరణ్ మన్యం వీరుడు అల్లూరి సీతారామరాజు పాత్ర పోషిస్తున్నాడు. తారక్ గోండు వీరుడు అల్లూరి సీతారామరాజు పాత్ర పోషిస్తున్నాడు. తారక్ గోండు వీరుడు కొమురం భీమ్ పాత్ర పోషిస్తున్నాడు. ఇక ఈ పాత్రల్లో చెర్రీ గోదారి స్లాంగ్ లో మాట్లాడితే.. తారక్ తెలంగాణ యాసలో డైలాగులు చెప్తాడని సమాచారం.
సుకుమార్-అల్లు అర్జున్ కాంబినేషన్ లో వస్తోన్న పాన్ ఇండియన్ మూవీ పుష్ప. శేషాచలం అడవుల్లో సాగుతోన్న ఎర్రచందనం స్మగ్లింగ్ నేపథ్యంలో తెరకెక్కుతోంది పుష్ప. ఈ సినిమాలో బన్ని, రష్మిక మందన్న ఇద్దరూ చిత్తూరు యాసలో మాట్లాడతారని సమాచారం. అల్లు అర్జున్, రష్మిక ఇద్దరూ ఈ లాక్ డౌన్ లో చిత్తూరు స్లాంగ్ లో పర్ ఫెక్ట్ అయ్యారని తెలుస్తోంది.
వెంకటేశ్ ఫస్ట్ టైమ్ ఫుల్ రగ్గడ్ లుక్ లో నటిస్తోన్న సినిమా నారప్ప. తమిళ హిట్ అసురన్ రీమేక్ గా వస్తోంది ఈ మూవీ. ఈ మాస్ ఎంటర్ టైనర్ ను అనంతపురం బ్యాక్ డ్రాప్ లో తెరకెక్కిస్తున్నాడు శ్రీకాంత్ అడ్డాల. ఇక సినిమా నేటివిటీకి తగ్గట్టుగా వెంకటేశ్ ఈ మూవీలో సీమ డైలాగులు పేలుస్తాడని చెబుతున్నారు.
ప్రేక్షకులు ఇప్పుడు నేచురల్ గా ఉండే సినిమాలకే కనెక్ట్ అవుతున్నారు. సహజత్వానికి దగ్గరగా ఉండే కథలను ఇష్టపడుతున్నారు. అందుకే స్టార్లు కూడా రియలిస్టిక్ గా ఉండడానికి ప్రయత్నిస్తున్నారు. క్యారెక్టర్ కోసం కొత్తకొత్త యాసలు నేర్చుకుంటున్నారు.
