మ్యాచో హీరో గోపిచంద్ - సంపత్ నంది కాంబినేషన్ లో తెరకెక్కుతున్న రెండో చిత్రం సీటీమార్. కబడ్డీ బ్యాక్ డ్రాప్ లో తెరకెక్కుతున్న ఈ చిత్రంలో తమన్నా హీరోయిన్ గా నటిస్తుండగా భూమిక చావ్లా, దిగంగన సూర్యవంశీ, పోసాని కృష్ణ మురళి తదితరులు ముఖ్య పాత్రల్లో నటిస్తున్నారు. ఈచిత్రంలో తమన్నా, తెలంగాణ కబడ్డీ టీంకు కోచ్ గా కనిపించనుండగా ఆంధ్రా కబడ్డీ టీం కోచ్ గా గోపిచంద్ నటిస్తున్నాడు.
ఇక రేపు గోపిచంద్ తన పుట్టిన రోజు జరుపుకోనున్నాడు. ఈ సందర్భంగా సీటీమార్ టీం ఓ అదిరిపోయే సప్రైజ్ ను ప్లాన్ చేసింది. బహుశా టీజర్ కానీ విడుదలచేస్తారేమో చూడాలి. శ్రీనివాస సిల్వర్ స్క్రీన్ పతాకం పై శ్రీనివాస్ చిట్టూరి నిర్మిస్తున్న ఈచిత్రానికి మణిశర్మ సంగీతం అందిస్తున్నాడు. ఇప్పటివరకు 60శాతం షూటింగ్ జరుపుకోగా తదుపరి షెడ్యూల్ ఆగస్టు మొదటి వారంలో ప్రారంభం కానుంది. ఈ షెడ్యూల్ తో సినిమా షూటింగ్ పూర్తి కానుంది. అక్టోబర్ లో సినిమాను ప్రేక్షకుల ముందుకు తీసుకురానున్నారు.