ఆర్డిఎక్స్ లవ్, సీత సినిమాలో స్పెషల్ సాంగ్ లాంటివి చేసినా ఆశించిన స్థాయిలో ఆడలేదు. వెంకీమామ సినిమాలో నటించి హిట్ అందుకున్నా ఆమె కెరియర్ కు యూజ్ అవలేదు. రవితేజ డిస్కో రాజాలో కూడా మూగ అమ్మాయి పాత్రలో నటించిన పాయల్ ఆ సినిమాతో కూడా హిట్ దక్కించుకోలేదు. అందుకే మళ్ళీ తన పాత పంథాలో ఓ మాంచి మసాలా సినిమా చేయాలని భావిస్తుందట. అలాంటి ఊపొచ్చే సినిమా చేస్తేనే కాని అమ్మడు మళ్ళీ ట్రాక్ లోకి వచ్చేలా లేదని తెలుస్తుంది.
పాయల్ రాజ్ పుత్ తెలుగులో సూపర్ క్రేజ్ తెచ్చుకుంది. ఆరెక్స్ 100 లాంటి సినిమాలే మరో రెండు పడితే మాత్రం అమ్మడికిక తిరుగు ఉండదు. కథల ఎంపిక విషయంలో పాయల్ చేస్తున్న తప్పులే ఆమె కెరియర్ గ్రాఫ్ ను పడిపోయేలా చేస్తున్నాయి. ప్రస్తుతం ఓ లేడీ ఓరియెంటెడ్ సినిమా చేస్తున్న పాయల్ ఆ తర్వాత వెబ్ సీరీస్ లో కూడా నటిస్తుందని తెలుస్తుంది.