ఇటీవల ఈ సినిమా నుండి రిలీజ్ అయిన ఫస్ట్ లుక్ మోషన్ పోస్టర్ కు ప్రేక్షకాభిమానుల నుండి మంచి స్పందన లభించింది. ఎంతో భారీ బడ్జెట్ తో అత్యున్నత సాంకేతిక విలువలతో ఈ సినిమాను నిర్మాతలు రూపొందిస్తుండగా అన్ని వర్గాల ప్రేక్షకులను ఆకట్టుకునే విధంగా పలు కమర్షియల్ హంగులు కలగలిపి దర్శకుడు పరశురామ్ ఈ సినిమా తీస్తున్నట్లు తెలుస్తోంది. ఇక దీని తర్వాత దర్శక దిగ్గజం ఎస్ఎస్ రాజమౌళి తో పాటు మాటల మాంత్రికుడు త్రివిక్రమ్ శ్రీనివాస్ దర్శకత్వంలో కూడా మహేష్ బాబు సినిమాలు చేయనున్నారు. అయితే రాజమౌళి సినిమా కొంత ఆలస్యం అవుతుందని ఈ లోపు త్రివిక్రమ్ సినిమా లైన్లో పెట్టేలా మహేష్ బాబు ప్లాన్ చేస్తున్నట్లు టాక్.
హారిక హాసిని క్రియేషన్స్, జిఎంబీ ఎంటర్ టైన్మెంట్స్ సంస్థలు కలిసి సంయుక్తంగా నిర్మించనున్న ఈ సినిమా కథ ఇప్పటికే సిద్ధమైందట. ప్రస్తుతం త్రివిక్రమ్ ఈ సినిమా తాలూకు పూర్తి స్క్రిప్టు సిద్ధం చేసే పనిలో ఉన్నట్లు సమాచారం. ఇక లేటెస్ట్ గా కొన్ని టాలీవుడ్ వర్గాల నుండి మా ఏపీ హెరాల్డ్ సంస్థకు అందుతున్న సమాచారాన్ని బట్టి ఈ సినిమాలో మహేష్ బాబు కు జోడిగా అనుష్క శెట్టి నటించనున్నట్లు చెబుతున్నారు. పదేళ్ల క్రితం మహేష్, త్రివిక్రమ్ ల కాంబినేషన్ లో వచ్చిన ఖలేజా సినిమాలో అనుష్క హీరోయిన్ గా నటించిన విషయం తెలిసిందే. అయితే ఆ సినిమా ఎన్నో అంచనాల మధ్య రిలీజై బాక్సాఫీస్ దగ్గర బోల్తా పడింది. కానీ ఈసారి మాత్రం మహేష్, అనుష్క ల కలయికలో తీయబోయే ఈ సినిమాని భారీగా సక్సెస్ చేసేలా త్రివిక్రమ్ ప్లాన్ చేస్తున్నట్లు సమాచారం. మరి ప్రస్తుతం ప్రచార మవుతున్న ఈ వార్త కనుక నిజమే అయితే ఎన్నో ఏళ్ల తర్వాత మరొక సారి తెరపై మహేష్ అనుష్కల జోడి చూడవచ్చన్న మాట......!!