టాలీవుడ్ సూపర్ స్టార్ మహేష్ బాబు హీరోగా అతి త్వరలో తెరకెక్కనున్న సినిమా సర్కారు వారి పాట. ఇప్పటికే కెరీర్ పరంగా వరుసగా మూడు విజయాలు అందుకుని మంచి జోష్ మీద ఉన్నారు సూపర్ స్టార్ మహేష్. కొరటాల శివ దర్శకత్వంలో తెరకెక్కిన భరత్ అనే నేను అలానే వంశీ పైడిపల్లి తీసిన మహర్షి ఇక ఇటీవల అనిల్ రావిపూడి దర్శకత్వంలో తెరకెక్కిన సరిలేరు నీకెవ్వరు సినిమాల సక్సెస్ లతో మహేష్ బాబు హ్యాట్రిక్ నమోదు చేశారు మహేష్ బాబు. దానితో ప్రస్తుతం తెరకెక్కనున్న సర్కారు వారి పాట సినిమా పై సూపర్ స్టార్ ఫ్యాన్స్ తో  పాటు సాధారణ ప్రేక్షకుల్లో కూడా భారీ స్థాయిలో అంచనాలు నెలకొన్నాయి.
కీమహేష్ బాబుకు జోడిగా మహానటి ఫేమ్ కీర్తి సురేష్ నటించనున్న ఈ సినిమాని 14 రీల్స్ ప్లస్, మైత్రి మూవీ మేకర్స్, జిఎంబి ఎంటర్టైన్మెంట్స్ సంస్థలు కలిసి సంయుక్తంగా ఎంతో భారీ ఖర్చుతో నిర్మించనున్న ఈ సినిమాకి పరశురాం పెట్ల దర్శకత్వం వహిస్తుండగా ఎస్.ఎస్ తమన్ సంగీతం అందిస్తున్నాడు. ఇక ఈ సినిమాకు సంబంధించి లేటెస్ట్ గా కొన్ని టాలీవుడ్ వర్గాల నుండి అందుతున్న సమాచారాన్ని బట్టి ఈ సినిమాలో కీర్తి సురేష్ మాత్రమే కాకుండా మరో హీరోయిన్ కూడా ఉంటుందని అంటున్నారు.  
ఇప్పటికే ఆ పాత్ర కోసం ఒక యువ హీరోయిన్ ని మూవీ యూనిట్ ఎంపిక చేసిందని అతి త్వరలో ఈ విషయమై అధికారిక ప్రకటన కూడా రానుందని టాక్. అయితే మెయిన్ హీరోయిన్ మాత్రం కీర్తి సురేష్  చేస్తుండగా, ప్రస్తుతం ఎంపిక కాబడ్డ మరో హీరోయిన్ పాత్ర కూడా సినిమాలో ఎంతో కీలకమైనదని అంటున్నారు. మరి ప్రస్తుతం ప్రచారమవుతోన్న వార్తలో ఎంత వరకు వాస్తవం ఉందొ తెలియాలి అంటే దీనికి సంబంధించి సర్కారు వారి పాట యూనిట్ నుండి అధికారిక ప్రకటన వచ్చే వరకు వెయిట్ చేయాల్సిందే అంటున్నారు విశ్లేషకులు..... !!

మరింత సమాచారం తెలుసుకోండి:

sarkaaru vaari paata shiva suresh anil music geetha keerthi suresh thaman s sri bharath sangeetha lord siva heroine yuva mythri movie makers mahanati research and analysis wing gmb entertainments

GVK Writings

19/10/2020 10:59 PM