మరి దీనికి ప్రధాన కారణం ఏమిటి అనేది తెలియదు. కానీ వీరిద్దరి మధ్య ఇప్పుడు విభేదాలు బయటపడ్డాయి అని అంటున్నారు. వాస్తవానికి మహేష్ బాబు కొరటాల శివ తో సినిమా చేసేందుకు ప్లాన్ చేసుకున్నాడు. అయితే ఆ సినిమా విషయంలో కొరటాల శివ ముందుకు రాలేదు. వాస్తవానికి ఆ సినిమాకు కొరటాల శివ ముందు గ్రీన్ సిగ్నల్ ఇచ్చిన సరే ఆ తర్వాత అనూహ్యంగా అల్లు అర్జున్ తో సినిమాకు గ్రీన్ సిగ్నల్ ఇచ్చి దానిపై అధికారిక ప్రకటన చేశాడు. దీంతో మహేష్ బాబు కాస్త సీరియస్ గా ఉన్నారట.
ఆచార్య సినిమా త్వరలో అయిపోతే కొరటాల శివతో సినిమా చేయవచ్చని, ప్రస్తుతం చేస్తున్న సినిమా వాయిదా వేసుకోవచ్చు అని మహేష్ బాబు ప్లాన్ చేశాడట. అయినా సరే అది సాధ్యం కాలేదని అంటున్నారు. దీనితో ఇప్పుడు వీరిద్దరి మధ్య విభేదాలు వచ్చాయని అంటున్నారు. దీనితో ఒక నిర్మాత వీరిద్దరి మధ్య సయోధ్య కుదిర్చే ప్రయత్నం చేస్తున్నారని టాక్. అల్లు అర్జున్ తో సినిమా పూర్తి చేసిన తర్వాత మహేష్ బాబుతో కొరటాల శివ సినిమా చేసే అవకాశాలు ఉండవచ్చునని భావిస్తున్నారు. ఇప్పటికే వీరిద్దరి కాంబినేషన్ లో వచ్చిన రెండు సినిమాలు సూపర్ హిట్టయ్యాయి.