మొత్తం ప్యాన్ ఇండియా లెవల్ లో అన్ని బాషలలో ఈ సినిమా రిలీజ్ అయినా పెద్దగా మంచి పేరు అయితే తెచ్చుకోలేక పోయింది. అయితే అనుష్క శెట్టి ఒక్క నిశ్శబ్దం సినిమా తప్ప మరే సినిమాలో చేస్తున్నట్టు అప్డేట్స్ లేవు. నిశ్శబ్దం విడుదలయ్యాక అయినా అనుష్క మిగితా ప్రాజెక్ట్స్ గురించి ఏమైనా అప్డేట్ ఇస్తుందా? అని చూసినప్పటికీ రిలీజ్ అయ్యి ఇన్ని రోజులు అయినా ఎలాంటి అప్డేట్ ఇవ్వ లేదు. అసలు ముందు ముందు సినిమాలు తీస్తుందా లేదా అనే అనుమానంలో అనుష్క అభిమానులు ఉన్నారు.
దానికి తోడు ఆమె పెళ్లి గురించి పుకార్లు మరింత ఎక్కువయ్యాయి. పెళ్లి కోసమే కెరీర్ ని కూడా వదిలేయనుందనే ప్రచారం కూడా జరుగుతోంది. అయితే ఆమె సన్నిహితులు ఆమె మరిన్ని మంచి పాత్రల కోసం ఎదురు చూస్తోందని చెబుతున్నారు. నిజానికి ఆమె రెండు సినిమాలు ఒప్పుకున్నట్టు ప్రకటించింది. ఈ సినిమాలని ఆమె పుట్టిన రోజున ప్రకటించే అవకాశం ఉందని అంటున్నారు.