కాగా వకీల్ సాబ్ నుండి ముందుగా మగువా మగువా అనే పల్లవి తో సాగె లిరికల్ సాంగ్ యూట్యూబ్ లో రిలీజ్ అయి మంచి స్పందన రాబట్టగా, ఇటీవల పవన్ బర్త్ డే సందర్భంగా ఈ సినిమా ఫస్ట్ లుక్ మోషన్ పోస్టర్ ని కూడా రిలీజ్ చేసింది సినిమా యూనిట్. కాగా అవి రెండు కూడా సినిమాపై ప్రేక్షకాభిమానుల్లో భారీ స్థాయిలో అంచనాలు పెంచాయి. ఇకపోతే ఈ సినిమా టీజర్ కోసం పవర్ స్టార్ ఫ్యాన్స్ ఎప్పటినుండో ఎంతో ఆశగా ఎదురు చూస్తున్నారు. మరోవైపు మిగతా అందరు హీరోల సినిమాలకు సంబందించిన అప్ డేట్స్ వస్తుంటే తమ హీరోకు సంబంధించి ఇప్పటివరకు ఎటువంటి అప్ డేట్ రాకపోవడం పై వారు తమ సోషల్ మీడియా అకౌంట్స్ ద్వారా నిర్మాతలపై కొంత అసహనం వ్యక్తం చేస్తూ కామెంట్స్ చేస్తున్నారు.
ఇక ఈ సినిమా నుండి దసరా పండుగ కానుకగా టీజర్ కు సంబంధించి అప్ డేట్ రానుంది అంటూ ఇటీవల కొద్దిరోజులుగా పలు మీడియా మాధ్యమాల్లో వార్తలు ప్రచారం అవుతున్న విషయం తెలిసిందే. అయితే లేటెస్ట్ గా కొన్ని టాలీవుడ్ వర్గాల నుండి మా ఏపీ హెరాల్డ్ సంస్థకు అందుతున్న సమాచారాన్ని బట్టి దసరా పండుగ నాడు కూడా పవన్ ఫ్యాన్స్ కు ఉపవాసం తప్పేలా లేదని, అంటే ఆ రోజున వకీల్ సాబ్ టీజర్ కు సంబంధించి ఎటువంటి అప్ డేట్ రాదని అంటున్నారు. మరి ప్రస్తుతం ప్రచారం అవుతున్న ఈ వార్త ఒకవేళ కనుక నిజం అయితే మాత్రం, ఇది పవన్ ఫ్యాన్స్ కు బాగా నిరాశ కలిగించే వార్త అని చెప్పకతప్పదు....!!