ఎన్టీఆర్ తో అరవింద సమేత, మహేష్ బాబు కలసి మహర్షి, తాజాగా బన్ని సరసన అల వైకుంఠపురంలో సినిమాలో నటించి హ్యాట్రిక్ హిట్స్ కొట్టింది. అలా వరుస హిట్లతో జోష్ మీద ఉన్న పూజా హెగ్డే ప్రస్తుతం ప్రభాస్తో ‘రాధేశ్యామ్’ సినిమాలో నటిస్తుంది. రాధాకృష్ణ దర్శకత్వంలో ప్రభాస్ హీరోగా వస్తోన్న ఈ సినిమా నుండి ఒక మోషన్ టీజర్ కూడా రిలీజ్ అయింది. సోషల్ మీడియాలో యాక్టివ్ గా ఉండే ఈ బుట్టబొమ్మ పూజా హెగ్డే ఓ అరుదైన రికార్డ్ సాధించింది.
ఇప్పటికి తన ఇన్ స్టాగ్రామ్ ఖాతాలో 12 మిలియన్ల మంది ఫాలోవర్స్ ను సంపాదించింది. ఇది నిజంగానే రేర్ ఫీట్. ఆమె నిజానికి జూలై 16న 11 మిలియన్ ఫాలోవర్స్ ని సంపాదించగా మూడు నెలల లోనే ఆమె మరో మిలియన్ ఫాలోవర్స్ ని సంపాదించింది. 11 మిలియన్ ఫాలోవర్స్ వచ్చినప్పుడు పూజా తన కాళ్ళను యోగా భంగిమలో పైకి ఎత్తి వాటిని 11గా చూపించింది. ఇప్పుడు ఎలాంటి యోగ భంగిమ పెడుతుందో ? చూడాలి మరి.