తమిళ్ స్టార్ హీరో విజయ్ తో తుపాకి, కత్తి, సర్కార్.. వంటి సూపర్ హిట్స్ తీశాడు మురుగదాస్. అయితే.. నాలుగో సినిమా కూడా అనౌన్స్ చేశాడు. కానీ.. ఆ కథ విజయ్ కు నచ్చలేదని తెలుస్తోంది. వరుసగా మూడు హిట్లు ఇచ్చినా కథ బాగాలేదంటూ మురుగదాస్ కు చెప్పడం ప్రస్తుతం చర్చనీయాంశమైంది. ఇదే తరహాలో మురుగదాస్ తెలుగులో అల్లు అర్జున్ తో కూడా సినిమా చేస్తాడని వార్తలు వచ్చాయి. ఈ ప్రాజెక్టు కూడా ముందుకు వెళ్లే అవకాశాలు లేవని తెలుస్తోంది. మురుగదాస్ చెప్పిన కథ బన్నీకి నచ్చలేదని టాలీవుడ్ లో వార్తలు వచ్చాయి.
దీంతో మరుగదాస్ కు తెలుగు, తమిళ్ లో ఇద్దరు స్టార్ హీరోలు షాక్ ఇచ్చినట్టైంది. ప్రస్తుతం రెండు భాషల్లోనూ వైరల్ అయిన ఈ వార్తలపై అఫీషియల్ న్యూస్ రీవీల్ కావాల్సి ఉంది. మురుగదాస్ తెలుగులో డబ్బింగ్ సినిమాల ద్వారా బాగా పాపులర్. మెగాస్టార్ చిరంజీవితో ‘స్టాలిన్’ సినిమాను డైరక్ట్ గా తెలుగులోనే తెరకెక్కించారు. మరి నిజంగానే ఇద్దరు హీరోలు మురుగదాస్ కథలను రిజెక్ట్ చేశారా.. అసలు బన్నీని, విజయ్ ను కలిసి కథలు చెప్పారా అనే విషయాన్ని మురుగదాస్ చెప్పాల్సి ఉంది.