టాలీవుడ్ రెబల్ స్టార్ ప్రభాస్ నిన్న తన 41వ జన్మదినం జరుపుకున్న విషయం తెలిసిందే. ఇటీవల దర్శక దిగ్గజం రాజమౌళి తెరకెక్కించిన బాహుబలి రెండు భాగాల సినిమాలతో దేశవిదేశాల్లో విపరీతమైన ఖ్యాతిని గొప్ప పేరుని మార్కెట్ ని దక్కించుకున్నారు ప్రభాస్. ఇక గత ఏడాది సాహో సినిమా ద్వారా ప్రేక్షకుల ముందుకు వచ్చిన ప్రభాస్ నటిస్తున్న లేటెస్ట్ సినిమా రాధేశ్యామ్. యువ దర్శకుడు రాధాకృష్ణ కుమార్ దర్శకత్వంలో తెరకెక్కుతున్న యాక్షన్ లవ్ స్టోరీ మూవీ లో పూజా హెగ్డే ప్రభాస్ కి జోడీగా నటిస్తుండగా యువ సంగీత దర్శకుడు జస్టిన్ ప్రభాకరన్ దీనికి మ్యూజిక్ అందిస్తున్నాడు.
మనోజ్ పరమహంస ఫోటోగ్రఫీ అందిస్తున్న ఈ సినిమాని యు.వి.క్రియేషన్స్, గోపీకృష్ణ మూవీస్ సంస్థలు కలిసి ఎంతో భారీ ఖర్చుతో సంయుక్తంగా నిర్మిస్తున్నాయి. ఇక ఇటీవల ఈ సినిమా నుండి రిలీజ్ అయిన ఫస్ట్ లుక్ పోస్టర్ తోపాటు నిన్న ప్రభాస్ జన్మదినం సందర్భంగా రిలీజ్ అయిన మోషన్ పోస్టర్ లకు ప్రేక్షకాభిమానుల నుండి విపరీతమైన స్పందన లభించింది. ఇప్పటికే చాలా వరకు షూటింగ్ పూర్తి చేసుకున్న ఈ సినిమా లేటెస్ట్ షెడ్యూల్ ఇటలీలో జరుగుతున్న విషయం తెలిసిందే.
కాగా నిన్న ప్రభాస్ జన్మదిన వేడుకలు అక్కడే యూనిట్ సభ్యుల సమక్షంలో ఎంతో గ్రాండ్ లెవల్లో జరిగినట్లు తెలుస్తోంది. ఆయన పుట్టిన రోజు వేడుకలకు సంబంధించిన ఫోటోలు అలానే కేక్ కటింగ్ కు సంబంధించిన ఫోటోలు కూడా నిన్నటి నుండి సోషల్ మీడియా మాధ్యమాల్లో ఎంతో వైరల్ అవుతున్నాయి. ఇకపోతే మన బాహుబలికి పలువురు సినిమా ప్రముఖులు తో పాటు ఎందరో అభిమానులు జన్మదిన శుభాకాంక్షలు అందించిన విషయం తెలిసిందే. కాగా రాధేశ్యామ్ సినిమా వచ్చే ఏడాది సమ్మర్లో ప్రేక్షకుల ముందుకు రానుంది.....!!

మరింత సమాచారం తెలుసుకోండి: