ఇప్పటికే మహేష్ బాబు జన్మదినం సందర్భంగా రిలీజ్ అయిన ఈ సినిమా ఫస్ట్ లుక్ మోషన్ పోస్టర్ కు అభిమానుల నుండి విపరీతమైన రెస్పాన్స్ లభించింది. ఇక అతి త్వరలో ఈ సినిమా రెగ్యులర్ షూటింగ్ అమెరికాలో ప్రారంభం కాబోతున్నట్లు తెలుస్తోంది. వాస్తవానికి ఈ సినిమా షూటింగ్ ని నవంబర్ మొదటి వారంలో అమెరికాలో ప్రారంభిద్దామని అనుకున్నారు మూవీ యూనిట్. అయితే ప్రస్తుతం అక్కడ కరోనా కేసులు మరింతగా పెరుగుతూ ఉండడంతో, అందుతున్న సమాచారం ప్రకారం జనవరిలో సర్కారు వారి పాట యూనిట్ అమెరికా వెళ్లి అక్కడ చిత్రీకరణ ప్రారంభించనుందని చెబుతున్నారు.
అయితే సినిమా షూటింగ్ ఆలస్యం అయినప్పటికీ కూడా కథ, స్క్రిప్టు పరంగా ఎంతో నమ్మకంగా ఉన్న దర్శకుడు పరశురామ్, తప్పనిసరిగా సూపర్ స్టార్ తో చేస్తున్న ఈ సినిమా లేట్ అయినప్పటికీ కూడా అద్భుతమైన విజయాన్ని అందుకునేలా తెరకెక్కించనున్నాడని అంటున్నారు. ఇక ఇప్పటికే మరోవైపు భరత్ అనే నేను, మహర్షి, సరిలేరు నీకెవ్వరు సినిమాలతో వరుస సక్సెస్ లతో దూసుకుపోతున్న సూపర్ స్టార్ ఖాతాలో సర్కారు వారి పాట రూపంలో మరో విజయం చేరడం ఖాయమని అంటున్నారు సూపర్ స్టార్ ఫ్యాన్స్.....!!