ఈ సినిమాలో నాని మూడు డిఫరెంట్ రోల్స్ లో కనిపిస్తాడని తెలుస్తుంది. నాని ఈ మూడు పాత్రల్లో అదిరిపోయే రేంజ్ లో కనిపిస్తాడట. పాత్రల్లో వేరియేషన్స్ కూడా బాగా ఉంటాయని తెలుస్తుంది. మూడు జన్మల కథగా శ్యాం సింగ రాయ్ వస్తుంది. ఈ సినిమాను సస్పెన్స్ థ్రిల్లర్ గా తెరకెక్కించాలని ప్లాన్ చేస్తున్నారు రాహుల్ సంకృత్యన్.
తప్పకుండా నాని ఈ సినిమాతో మరోసారి తన సత్తా చాటుతాడని అంటున్నారు. సితార ఎంటర్తైన్మెంట్స్ బ్యానర్ లో చేయాల్సిన ఈ సినిమా కొన్ని కారణాల వల్ల వెంకట్ బోయినపల్లి నిర్మిస్తున్నారు. నాని కెరియర్ లోనే హయ్యెస్ట్ బడ్జెట్ తో వస్తున్న ఈ సినిమా తప్పకుండా ప్రేక్షకులను మెప్పిస్తుందని అంటున్నారు. నాని ఇప్పటికే జెంటిల్మెన్, కృష్ణార్జున యుద్ధం సినిమాల్లో డ్యుయల్ రోల్ చేశాడు. ఈ సినిమాతో కెరియర్ లో మొదటిసారి ట్రిపుల్ రోల్ ట్రై చేస్తున్నాడు. మరి నాని చేస్తున్న ఈ ప్రయోగం ఎంతవరకు సక్సెస్ అవుతుందో చూడాలి.