ఇక బిగ్ బాస్ హౌస్ లో వారం రోజుల పాటు కంటెస్టెంట్స్ చేసే సందడి ఇక వారాంతంలో రెండు రోజులపాటు హోస్ట్ నాగార్జున వచ్చి చేసే సందడి మామూలుగా ఉండదు అన్న విషయం తెలిసిందే. అయితే ప్రస్తుతం బిగ్ బాస్ హోస్ట్ గా ఉన్నా నాగార్జున షూటింగ్ కారణంగా విదేశాలు వెళ్లడంతో ఇక బిగ్బాస్ వారాంతంలో హోస్టింగ్ ఎవరు చేస్తారు అని అనుకుంటున్న తరుణంలో ఊహించని విధంగా అక్కినేని సమంత ఎంట్రీ ఇచ్చి అందరికీ షాక్ ఇచ్చిన విషయం తెలిసిందే. మామకు తగ్గ కోడలిగా సమంత తన హోస్టింగ్ తో అదరగొట్టింది. సమంత రాకతో బిగ్ బాస్ కి మరింత క్రేజ్ పెరిగిపోయింది అని చెప్పాలి.
సమంత తనదైన వాక్చాతుర్యంతో బుల్లితెర ప్రేక్షకులు అందరితో కామెడీని పంచుతూ ఎంతగానో ఆకట్టుకుంది. లోపల ఉన్న హౌస్మేట్స్ కూడా సమంతను చూసి షాక్ కి గురయ్యారు. ఇదిలా ఉంటే ఈ వారం బిగ్ బాస్ హోస్ట్ గా ఎవరు రాబోతున్నారు అన్నది ఆసక్తికరంగా మారింది. ప్రస్తుతం వైల్డ్ డాగ్ షూటింగ్ లో భాగంగా విదేశాలకు వెళ్లినా కింగ్ నాగార్జున... బిగ్ బాస్ హోస్టింగ్ కోసం వస్తాడా.. లేదా ఈ వారం కూడా మళ్లీ అక్కినేని వారి కోడలు సమంత ఎంట్రీ ఇచ్చి అందరికీ ఫుల్ టైం ఎంటర్ టైన్మెంట్ పంచుతుందా అన్నది ప్రస్తుతం ఆసక్తికరంగా మారింది.