ఆ వెంటనే క్రిష్ మూవీ, హరీష్ శంకర్ మూవీ లైన్లో ఉన్నాయి. అలాగే అయ్యప్పన్ కోషియం తెలుగు రీమేక్ మూవీ కూడా పవన్ చేయాల్సి ఉంది. ఈ మూవీస్ తో పాటుగానే సురేందర్ రెడ్డి మూవీ కూడా ఉంది. ఇవి పవన్ కమిట్ అయినవి. కచ్చితంగా రెండేళ్ళ సమయం సరిపడా వీటికి అవుతుంది అంటున్నారు. పవన్ షూటింగ్ అంటే చాలా స్లోగా చేస్తారని పేరుంది. గతంలో ఆయన ఒక సినిమా చేయడానికి ఏడాది కంటే ఎక్కువ టైమే తీసుకున్నారు. ఇపుడు కనుక అలా చేస్తే రాజకీయంగా పవన్ స్పీడ్ అవడానికి అసలు వీలుండదు.
దాంతో పవన్ జోరు పెంచాల్సిందేనని అంటున్నారు. ఇక పవన్ సినిమా షూటింగులు కూడా పక్కాగా ప్లాన్ చేసుకున్నారని అంటున్నారు వచ్చే ఏడాదికి క్రిష్, హరీష్ శంకర్ కి కేటాయించి ఆ మధ్యలో అయ్యప్పన్ కోషియన్ పూర్తి చేయాలని ఒక ప్లాన్ ఉందిట. ఇక 2022 నాటికి సురేందర్ రెడ్డి మూవీ ఉందని అంటున్నారు. మొత్తానికి పవన్ మాత్రం దూకుడు మీదనే సినిమాలు చేయాల్సి ఉంటుంది అంటున్నారు. ఆయన ఊపిరి సలపకుండా షూటింగులు చేస్తేనే తాను అనుకున్నట్లుగా అయిదు సినిమాలూ పూర్తి చేసి అభిమానుల ముందుకు తేగలరని అంటున్నారు.