ఈ ముగ్గురు పాత్రలతోనే ఎక్కువగా సాగిపోయే సినిమా ప్రేక్షకులు అందరినీ ఎంతగానో మెప్పించింది. కాగా ఈ సినిమాకు సీక్వెల్ తెరకెక్కించ పోతున్నట్లు శ్రీను వైట్ల ప్రకటించడంతో ఈ సినిమాపై భారీ అంచనాలు నెలకొన్నాయి అటు ప్రేక్షకుల్లో. అయితే ఈ సినిమాకు... డబుల్ డోస్ అనే టైటిల్ ఫిక్స్ చేసింది చిత్రబృందం. ఈ సినిమాలోని కీలక పాత్రలో ఎవరు నటించబోతున్నారు అనే దానిపై ప్రస్తుతం ఆసక్తి నెలకొంది. కాగా ఈ సినిమాలో హీరోయిన్ విషయంలో ఇప్పటికే క్లారిటీ వచ్చినట్లు తెలుస్తోంది. ఈ సినిమాలో ఇద్దరు హీరోయిన్లు నటించబోతున్నట్లు తెలుస్తోంది.
ఇక ఈ సినిమాలో ప్రధాన హీరోయిన్ పాత్ర కోసం అను ఇమ్మాన్యుయేల్ లేదా ప్రగ్యా జైస్వాల్ లలో ఎవరినో ఒకరిని ఎంపిక చేసే అవకాశం ఉందని ప్రస్తుతం టాలీవుడ్లో టాక్ వినిపిస్తుంది. ఇక ఇద్దరు హీరోయిన్లలో ఒకరిని సెలెక్ట్ చేసేందుకు అటు దర్శకుడు శ్రీను వైట్ల హీరో మంచు విష్ణు కూడా చర్చించినట్లు సమాచారం. కాగా ఈ సినిమాకు సంబంధించిన షూటింగ్ త్వరలో ప్రారంభం కాబోతున్నట్లు తెలుస్తోంది. కాగా ఢీ సినిమాలో శ్రీహరి పాత్ర ఎంతో కీలకమైనది ప్రత్యేకంగా చెప్పాల్సిన పనిలేదు. ఇక సీక్వల్ అంటే అవే పాత్రలు కలిసి ఉంటాయి. మరి ఢీ సీక్వెల్లో శ్రీహరి పాత్రలో ఎవరు నటించబోతున్నారు అన్నది మాత్రం ప్రస్తుతం ఆసక్తికరంగా మారిపోయింది.