మణిశర్మ సంగీతాన్ని అందిస్తున్న ఈ సినిమాకి తిరు ఫోటోగ్రఫిని అందిస్తుండగా కాజల్ అగర్వాల్ ఇందులో మెగాస్టార్ కి జోడీగా నటిస్తోంది. ఇప్పటికే చాలావరకు షూటింగ్ జరుపుకున్న ఈ సినిమా లేటెస్ట్ షెడ్యూల్ ఇటీవల ప్రారంభం అయింది. ఇకపోతే దీని తరువాత ఇప్పటికే వివి వినాయక్ దర్శకత్వంలో లూసిఫర్ మూవీ తెలుగు రీమేక్ లో నటించడానికి సిద్దమైన మెగాస్టార్, మరోవైవు మెహర్ రమేష్ దర్శకత్వంలో వేదాళం సినిమా తెలుగు రీమేక్ లో కూడా నటించడానికి సిద్ధమయ్యారు. కాగా ఈ రెండు సినిమాలకు సంబంధించి అతి త్వరలో అధికారిక ప్రకటనలు రానున్నట్లు తెలుస్తోంది.
మరోవైపు వీటి అనంతరం మరొక ప్రముఖ దర్శకుడి కథకు కూడా మెగాస్టార్ పచ్చ జండా ఊపినట్లు లేటెస్ట్ టాలీవుడ్ వర్గాల టాక్. ఈ విధంగా మెగాస్టార్ ఎంచుకుంటున్న సినిమాల లైనప్ ని ఒకసారి పరిశీలిస్తే ఆయన మైండ్ గేమ్ ఏంటో అర్ధం అవుతుందని, ఎక్కువగా అన్ని వర్గాల ప్రేక్షకుల తో పాటు తన ఫ్యాన్స్ ని ఎంతో అలరించే సబ్జక్ట్స్ వైపే మెగాస్టార్ మొగ్గుచూపుతున్నారని, ఆ విధంగా సినిమాలు ఎంచుకోవడం వలన అవి అందరికి చేరువై తనకు మరింత క్రేజ్ తెచ్చిపెడతాయని ఎంతో జాగ్రత్తగా ఎంచుకుంటున్నారట. మొత్తంగా చూసుకుంటే మెగాస్టార్ చిరంజీవి ఈ సినిమాలతో కనుక సక్సెస్ కొడితే మరొక్కసారి టాలీవుడ్ లో ఆయనకు ఎదురు ఉండదని అంటున్నారు విశ్లేషకులు....!!