నందమూరి బాలకృష్ణ ప్రస్తుతం బోయపాటి శ్రీను దర్శకత్వంలో ఓ సినిమా చేస్తున్న సంగతి తెలిసిందే.. BB3 అనే వర్కింగ్ టైటిల్ తో తెరకెక్కుతున్న ఈ సినిమా ఇద్దరికీ తప్పక హిట్ పడాల్సిన సినిమా కావడంతో ఎంతో జాగ్రత్తగా సినిమాపై నిర్ణయాలు తీసుకుంటున్నారు.. కథ విషయంలోనే ఈ సినిమా ను చాలా రోజులు కసరత్తులు చేశారు. గతంలో తమ కాంబో లో వచ్చిన సింహ,లెజెండ్ సినిమాలకు మించి ఈ సినిమా చేయాలనీ అనుకుని టైం తీసుకుంటున్నారు.. ఇప్పటికే ఎన్టీఆర్ రెండు పార్ట్ లు, రూలర్ సినిమాలు దారుణంగా ఫ్లాప్ అయ్యాయి. అటు బోయపాటి శ్రీను కూడా  'వినయ విధేయ రామ' చిత్రంతో భారీ ఫ్లాప్ ని మూటగట్టుకున్నాడు.

ఆ సినిమా వల్ల బోయపాటి శ్రీను మెగా అభిమానుల ఆగ్రహానికి గురైన సంగతి తెలిసిందే.. ఇక ఈ చిత్రం నుంచి ఇటీవలే టీజర్ రిలీజ్ కాగా ప్రేక్షకుల నుంచి మంచి స్పందన లభించింది.. ఇందులో పంచెకట్టులో మీసం మెలితిప్పుతూ మాస్ లుక్ లో బాలయ్య అలరించాడు. ఈ సినిమాలో బాలయ్య రెండు విభిన్న పాత్రల్లో కనిపిస్తుండగా.. అందులో ఒకటి అఘోర పాత్ర.. రెండోది ఫ్యాక్షనిస్ట్ పాత్ర అని సమాచారం.  ద్వారక క్రియేషన్స్ బ్యానర్ పై యువ నిర్మాత మిర్యాల రవీందర్ రెడ్డి ఈ చిత్రాన్ని నిర్మిస్తున్నాడు. థమన్ సంగీతం అందిస్తున్నాడు.

ఇక ఈ సినిమా తర్వాత బాలకృష్ణ చేయబోయే తరువాతి సినిమాపై దృష్టి సారించారు. ఇప్పటికే బి.గోపాల్ తో ఓ ప్రాజెక్టు సెట్ అయ్యింది. ప్ర‌స్తుతం బి.గోపాల్ బాల‌య్య కోసం క‌థ రెడీ చేసుకునే ప‌నిలో ఉన్నారు. ఇప్పుడు శ్రీ‌వాస్ కీ బాల‌య్య ఛాన్స్ ఇచ్చేశాడు. శ్రీ‌వాస్ ఇది వ‌ర‌కు బాల‌య్య‌ను `డిక్టేట‌ర్‌`గా చూపించిన సంగ‌తి తెలిసిందే. ఆ సినిమా బాక్సాఫీసు ద‌గ్గ‌ర తుస్సుంది. బెల్లంకొండ శ్రీ‌నివాస్ తో భారీగా ఖ‌ర్చు పెట్టిన తీసిన‌ `సాక్ష్యం` కూడా ఫ్లాపే. అయినా స‌రే, బాల‌య్య ఛాన్సిచ్చాడ‌ట‌. కోన వెంక‌ట్ ఈ క‌థ‌ని అందించార‌ని, అది… బాల‌య్య‌కు న‌చ్చింద‌ని, అందుకే ఈ సినిమా ఫైన‌ల్ చేశార‌ని టాక్‌. సో.. బి.గోపాల్ సినిమా అవ్వ‌గానే, శ్రీ‌వాస్ ప్రాజెక్టు ప‌ట్టాలెక్కొచ్చు. 

మరింత సమాచారం తెలుసుకోండి:

balakrishna balakrishna geetha simhaa thaman s sangeetha nandamuri balakrishna producer jaggery producer1 yuva miryala ravinder reddy vinaya vidheya rama reddy legend dwaraka mass

P.Nishanth Kumar

03/12/2020 11:00 PM