అయితే ప్రస్తుతం అన్నీ చర్చల దశల్లోనే ఉన్నాయి. కాగా, సోనూసూద్ దృష్టి ఇప్పుడు "క్రాక్" సినిమాపై పడినట్లు తెలుస్తోంది. రవితేజ నటించిన ‘క్రాక్’ సినిమా సంక్రాంతి కానుకగా విడుదలై సూపర్ సక్సెస్ అందుకున్న సంగతి తెలిసిందే. ఈ సినిమాను హిందీలో రీమేక్ చేయాలనుకుంటున్నాడు సోనూసూద్. రవితేజ పోషించిన పోలీస్ ఆఫీసర్ పాత్రలో సోనూ కనిపించనున్నారు. అంతేకాదు.. ఈ సినిమాను తన సొంత బ్యానర్ లో నిర్మించాలని సోనూ భావిస్తున్నాడు.ప్రస్తుతం ‘క్రాక్’ నిర్మాత ఠాగూర్ మధుతో హిందీ రీమేక్ హక్కుల కోసం సంప్రదింపులు జరుపుతున్నాడు. అన్నీ కుదిరితే.. ‘క్రాక్’ రీమేక్ తో హీరోగా బాలీవుడ్ ఎంట్రీ ఇవ్వాలనుకుంటున్నాడు సోనూసూద్. ఇకపై సోనూ విలన్ గా కంటే హీరోగా ఎక్కువ సినిమాలు చేసే ఛాన్స్ ఉంది.
ప్రస్తుతం విలన్ గా వస్తోన్న ఆఫర్లను పక్కన పెడుతున్నట్లు తెలుస్తోంది. ఇంతకముందు తను అంగీకరించిన సినిమాలను మాత్రం పూర్తి చేస్తున్నాడు.ఇక ఈ సినిమాతో సోనూ ఖచ్చితంగా పెద్ద పాన్ ఇండియా స్టార్ అవ్వడం ఖాయమని సోషల్ మీడియాలో ఫ్యాన్స్ అభిప్రాయపడుతున్నారు. ఇక ఇలాంటి మరెన్నో మూవీ అప్ డేట్స్ కోసం ఇండియా హెరాల్డ్ గ్రూప్ ని ఫాలో అవ్వండి. ఇంకా మరెన్నో విషయాలు గురించి తెలుసుకోండి...