ఇటీవల రిలీజ్ అయిన ఈ సినిమా ఫస్ట్ లుక్ పోస్టర్స్ కి కి బన్నీ ఫాన్స్ తో పాటు సాధారణ ప్రేక్షకుల నుంచి కూడా మంచి రెస్పాన్స్ లభించింది. ఇప్పటికే చాలా వరకు షూటింగ్ పూర్తి చేసుకున్న ఈ సినిమా సమ్మర్ కానుకగా రిలీజ్ కానున్నట్లు తెలుస్తోంది. మరోవైపు సినిమా విషయమై యూనిట్ ఎక్కడా కాంప్రమైజ్ కావడం లేదని అలానే దర్శకుడు సుకుమార్ ప్రతి ఒక్క అంశాన్ని ఎంతో నిశితంగా పరిశీలిస్తూ ప్రతి సీన్ విషయంలో ఎంతో కేర్ తీసుకుంటున్నారని అని టాక్. ఇక అసలు మ్యాటర్ ఏంటంటే తొలిసారిగా తన కెరీర్లో రష్మిక ఈ మూవీ ద్వారా ఒక పక్కా మాస్ రోల్ లో నటిస్తుందని, అలానే ఆ పాత్ర కోసం ఆమె ఎన్నో రిస్కీ షాట్స్ లో కూడా పాల్గొంటుందని సమాచారం.
ఇటీవల హీరో,హీరోయిన్లు అలానే విలన్స్ పై చిత్రీకరించిన ఒక భారీ ఛేజింగ్ సన్నివేశంలో అల్లు అర్జున్ తో పాటు రష్మిక కూడా ఎంతో కష్టపడి ఏ మాత్రం డూప్ లేకుండా నటించిందని సమాచారం. సినిమా కోసం ఎంత కష్టపడడానికైనా సిద్ధమని తరచు తన ఇంటర్వ్యూల్లో చెప్పే రష్మిక, ఈ మూవీ తప్పకుండా సక్సెస్ అవుతుందని ఆశాభావం వ్యక్తం చేస్తున్నట్లు సమాచారం. ఇక ఈ మూవీపై అన్ని వర్గాల ప్రేక్షకుల్లో కూడా భారీ అంచనాలు ఉన్నాయి. పాన్ ఇండియా మూవీగా పలు భారతీయ భాషల్లో గ్రాండ్ లెవల్ లో రిలీజ్ కానున్న ఈ సినిమా ఫస్ట్ లుక్ టీజర్ అతి త్వరలో రిలీజ్ కానున్న ట్లు తెలుస్తోంది......!!