ఇప్పుడు కరోనా కారణంగా షూటింగ్ చాలా రోజులుగా ఆగిపోవడంతో అసలు ఆర్.ఆర్.ఆర్ ఈ యేడాదిలో అయినా రిలీజ్ అవుతుందా ? అంటే సందేహమే అంటున్నారు. ఆర్.ఆర్.ఆర్ బ్యాలెన్స్ షూటింగ్ కంప్లీట్ అయ్యి... ఈ సినిమా పోస్ట్ ప్రొడక్షన్ పనులు పూర్తి అయ్యే సరికే ఈ యేడాది పూర్తయిపోవడం ఖాయం. అయితే ఇదంతా అనుకున్న ప్లానింగ్తో జరిగితేనే ఆర్.ఆర్.ఆర్ కనీసం వచ్చే సంక్రాంతికి అయినా వస్తుంది లేకపోతే వచ్చే సమ్మర్కు వెళ్లినా.. ఆ తర్వాత కూడా రిలీజ్ కాకపోయినా ఆశ్చర్య పడాల్సిన పనిలేదు.
దీంతో రాజమౌళి ప్రస్తుతం నిద్రలేని రాత్రులు గడపడంతో పాటు ఆర్.ఆర్.ఆర్ విషయంలో కెరీర్లోనే ఎప్పుడూ లేనంత ఆందోళనతో ఉన్నాడని ఆర్.ఆర్.ఆర్ వర్గాలు చెపుతున్నాయి. ఇక కరోనాకు ముందు కూడా చరణ్, ఎన్టీఆర్ గాయపడడంతో షూటింగ్కు పలు మార్లు బ్రేకులు పడ్డాయి. దీంతో రాజమౌళిలో సినిమా ప్రారంభించినప్పుడు ఉన్నంత జోష్ ఇప్పుడు లేదని కూడా అంటున్నారు. ఓ వైపు నిద్రాహారాలు మాని సినిమా కోసం ఎంతో కష్టపడుతున్నా జక్కన్న మనస్సులో మాత్రం ఎక్కడో తేడా కొడుతున్నట్టు ఉందా ? అన్న సందేహాలు కూడా ఇండస్ట్రీ వర్గాల్లో స్టార్ట్ అయ్యాయి.