చిత్ర పరిశ్రమలో అడుగు పెట్టక ముందు సుకుమార్ లెక్కల మాస్టర్ గా పని చేసేవారు. ఆ సమయంలోనే సినిమాలపై ఎంతో మక్కువ పెంచుకొని ఇండస్ట్రీ వైపు అడుగులు వేశారు. చిత్ర పరిశ్రమలో అడుగుపెట్టి ట్రయాంగిల్ లవ్ స్టోరీ తో 'ఆర్య' సినిమాని తెరకెక్కించి పెద్ద హిట్ సాధించారు. ట్రయాంగిల్ లవ్ లో కొత్త కోణం చూపించిన సుకుమార్ ని విమర్శకులు సైతం తెగ మెచ్చుకున్నారు. రొమాంటిక్ సినిమాతో ప్రేక్షకుల మనసులను నేరుగా తాకిన సుకుమార్ ఆ తర్వాత జగడం సినిమాతో సరికొత్త యాక్షన్ సన్నివేశాలను రుచి చూపించారు.
ఐతే ఆర్య 2 సినిమా ప్రేక్షకుల్ని ఆశించదగ్గ స్థాయిలో అలరించలేదు కానీ 100 % లవ్ సినిమాతో మళ్ళీ హిట్ కొట్టి తన సత్తాను చాటుకున్నారు. 1. నేనొక్కడినే సినిమాతో ప్రేక్షకులను కన్ఫ్యూజ్ చేసి డిజాస్టర్ అందుకున్నారు. కానీ రంగస్థలం సినిమాతో ప్రేక్షకులను బాగా అలరించి బ్లాక్ బాస్టర్ హిట్ ను తన ఖాతాలో వేసుకున్నాడు. ఇప్పుడు కూడా ఒక మాస్ ఎంటర్టైనర్ తో మెగా హీరో తో ప్రేక్షకుల ముందుకి వచ్చేందుకు సిద్ధమయ్యారు. అయితే ఈ సినిమాపై భారీ అంచనాలు నెలకొన్నాయి. రౌడీ బాయ్ విజయ్ దేవరకొండ తో కూడా ఒక సినిమా తెరకెక్కించేందుకు సుకుమార్ అంగీకరించారు.