త్రివిక్రమ్ శ్రీనివాస్ తో సినిమా చేస్తున్నాడని వార్తలు షికార్లు చేసినా ఎటువంటి అధికారిక ప్రకటన రాకపోవడంతో ఆ సినిమా కార్యరూపం దాల్చదని అర్థమైపోయింది.. ఒకవేళ సినిమా చేసే అవకాశాలు ఉన్నా ఎన్టీఆర్ సినిమా తరువాత చేసే అవకాశం ఉంది కాబట్టి ఇప్పట్లో అయితే రామ్ త్రివిక్రమ్ ల సినిమా ఉండదు.. ఈ నేపథ్యంలో వేరే డైరెక్టర్ తో సినిమా ఓకే చేయించుకోవాల్సిన పరిస్థితి ఏర్పడింది.. ఇక ప్రస్తుతం బజ్ ప్రకారం.. హీరో రామ్ ఓ సక్సెస్ ఫుల్ దర్శకుడితో సినిమా చేస్తాడని వార్తలు వినిపిస్తున్నాయి.
వరుస సినిమాలతో సూపర్ హిట్ లు అందుకుంటున్న దర్శకుడు అనిల్ రావిపూడి.. చేసిన తొలి సినిమా నుంచి ఇప్పటివరకు అయన సినిమాలన్నీ హిట్ సినిమాలే.. అందుకే ఆయనతో సినిమా చేసేందుకు స్టార్ హీరోల సైతం పోటీ పడుతున్నారు. ప్రస్తుతం f2 సీక్వెల్ f3 సినిమా ని చేస్తున్నాడు.. విక్టరీ వెంకటేష్ వరుణ్ తేజ్ హీరోలుగా నటిస్తున్న ఈ సినిమాను సమ్మర్ లోపల ఫినిష్ చేసే ఆలోచనలో ఉన్నాడట. ఇకపోతే అనిల్ రావిపూడి తదుపరి సినిమా ఎనర్జిటిక్ హీరో రామ్ తో ఉంటుందని వార్తలు చక్కర్లు కొడుతున్నాయి. ఆ సినిమా కూడా వచ్చే ఏడాదిలో ప్రారంభం అవుతుందని.. అలాగే ఆ సినిమా కూడా అనిల్ స్టైల్ లోనే ఫన్ తో ఉండబోతుందని ఇండస్ట్రీ టాక్. చూడాలి మరి వీరిద్దరి నుండి అధికారికంగా క్లారిటీ వస్తుందేమో చూడాలి.